Pedelo

Pedelo (latine bedellus) estas malsupera oficisto de diversaj hierarkiaj organizaĵoj (eklezio, universitato, kortumo), kiu zorgas pri malgravaj materiaj taskoj.

Karikaturo de angla eklezia pedelo en 1850

La pedelo S-ro Bumble en la romano Oliver Twist

Etimologie, la termino estas de ĝermana origino.

Religia pedelo

En kristanismo, pedelo estas, depende de la konfesio, malaltranga kleriko. En la Eklezio de Skotlando, bedelo (angle beadle) estas helpanto de la presbitero dum diservo.

Universitata pedelo

Universitata pedelo akompanas en historia vesto la akademiajn funkciulojn ĉe solenaĵoj (ekz. promocio), tial li estas elektata por konkreta solenaĵo el la vico de universitataj laboristoj kaj samtempe estas elektata lia rezervulo.

• 
  Pedeloj de la Universitato de Kembriĝo en 1815
• 
  Johann Friedrich Payer, ĉefpedelo de la Universitato de Tübingen, kontrolanta studentojn en drinkejo en la 19-a jarcento
• 
  La ceremonia pedelo de la Glasgova Kaledonia Universitato (angle Glasgow Caledonian University)

Jura pedelo

En Anglio, la paroĥa pedelo (angle constabulary beadle) estis malaltranga ofico, kiu administras diversaĵojn. en la anglalingva romano Oliver Twist, unu el la roluloj estas la malbonkora pedelo S-ro Bumble, kiu administras orfejon.

• Kategorio Pedelo en la Vikimedia Komunejo (Multrimedaj datumoj)
• Pedelo en Vikifontaro (Universala biblioteko)
• Pedelo en ReVo