Pedologio (edukado)

Pedologio (el grekaj pais, paidos 'infano', kaj logos 'studo') estas la fiziologia kaj psiĥologia studo de infano.

Oni ne devas konfuzi tiun pedologion pri psiĥologio kun la pedologio pri terscienco.

Jam en 1896, Oscar Chrisman reklamis la neceson de holisma kaj interfaka scienco por fronti la temon de la infaneco kiel tuto kaj studobjekto.^[1] Tiel naskiĝis la "pedologio" kiu tamen kiel akademia fako havos mallongan vivodaŭron pro diversaj cirkonstancoj, inter kiuj, la ĉeso de akademiaj esploroj kaj interagado pro la eksplodo de la Unua Mondmilito kaj krome pro la alproprigo de la temo fare de branĉoj de aliaj fakoj, ĉefe de la psikologio.^[1] Siaflanke, la pedagogio centriĝis en la procezo de edukado.

Vidu ankaŭ

• Edukado
• Kronobiologio
• Pedagogio