Ĉirkaŭfrukto

Ĉirkaŭfrukto (aŭ perikarpo ^[1] el la grekaj peri, ĉirkaŭ kaj karpo, frukto) estas parieto de frukto, kiu envolvas unuopan aŭ plurajn semojn. Ĝi elvenas el ovolujo post fekundiĝo de la floro, dum la ovoloj iĝas semoj.

Ĉirkaŭfrukto de persiko.

Persiko kiel ekzemplo de drupo enhavanta ligna enfrukto.

Ĉirkaŭfrukto konsistas el tri tavoloj:

• eksterfrukto aŭ epikarpo^[2], la plej ekstera parto, kolora epidermo;
• mezfrukto aŭ mezokarpo^[3], la meza parto, ofte karna;
• enfrukto aŭ endokarpo^[4], la plej ena parto, aŭ ligna aŭ karna.

Ĉe drupo, la enfrukto estas ligna kaj seka: tio estas la kerno.