Veneto

Veneto (itale Veneto [veneto]) (aŭ Venecilando, laŭ NPIV) estas nordorienta regiono de Italio.

Veneto
itale Veneto
Flago
regiono de Italio
Kodo:	VEN
Ŝtato:	Italio
Areo:	18,391 km²
Ĉefurbo:	Venecio
Loĝantaro:	4 869 830 loĝ. (2021) [1]
Loĝdenso:	265 loĝ./km²
Provincoj:	Beluno, Padovo, Rovigo, Trevizo, Venecio, Verono, Viĉenco
Komunumoj:	listo de 581 komunumoj
Kodo laŭ ISTAT:	05
Prezidanto:	Luca Zaia (en 2025)
Retejo:	oficiala paĝo
v • d • r

Laŭ la stato de 2021 en la regiono vivis 4 869 830 loĝantoj sur areo de 18 345,35 kvadrataj kilometroj, kio rezultigas loĝdenson de 265 loĝantoj/km².

Geografio

Surfaco de Veneto per altimetraj zonoj

Veneto samlimas okcidente kun Lombardio, oriente kun Friulo-Venecio Julia, norde kun Trentino-Supra Adiĝo/Sudtirolo kaj sude kun Emilio-Romanjo, kaj geografie estas inter la montĉeno de Alpoj kaj la Adriatika maro. Ĝin trairas du gravaj riveroj, Pado kaj Adiĝo.

La ĉefurbo de la regiono estas Venecio, kiu estas ankaŭ la ĉefurbo de la eponima provinco; kaj la aliaj provincoj estas Beluno, Padovo, Rovigo, Trevizo, Verono kaj Viĉenco.

Ĉefaj urboj

Sekvas listo de la urboj kun pli ol 50 000 loĝantoj.

1	Venecio	Provinco Venecio	269 000 loĝ.
2	Verono	Provinco Verono	260 400 loĝ.
3	Padovo	Provinco Padovo	210 500 loĝ.
4	Viĉenco	Provinco Viĉenco	114 200 loĝ.
5	Trevizo	Provinco Trevizo	81 900 loĝ.
6	Rovigo	Provinco Rovigo	51 200 loĝ.
7	Chioggia	Provinco Venecio	50 900 loĝ.

Historio

Situo de la provincoj de la regiono Veneto

Tiu regiono estas riĉega de artaj kaj kulturaj trezoroj. Ĝiaj heredaĵoj enhavas la unikajn konstruaĵojn kaj pontojn de Venecio, kaj multaj vilaoj de Andrea Palladio. Verono havas arenon, kiu estas antikva romia amfiteatro kaj tradicie gastigas operajn spektaklojn. Ankaŭ la varmaj banoj de Abano Terme estas famaj.

Ekonomio

La regiona ekonomio, kiu antaŭe tute dependis de la agrokulturo, nuntempe orientiĝas aparte al pintoteknologia industrio kaj al la modbutikoj (ekzemple Benetton); krome, ludas ŝlosilrolon kultura turismo.