Vivo de Zamenhof

Vivo de Zamenhof ^[1] estas biografio pri L. L. Zamenhof, verkita de Edmond Privat. Ĝi aperis unuafoje 208-paĝa en 1920 en Londono ĉe Brita Esperanto-Asocio. Dua eldono sekvis en 1923, 109-paĝa. La dokumento poste eldoniĝis en angla (1931, en traduko de Ralph Eliott) kaj nederlanda (1934) tradukoj kaj pliaj eldonoj en Esperanto. Al tiu el 2007, eldonita de UEA, Ulrich Lins aldonis referencojn, aktualan bibliografion kaj pliajn materialojn. La verko estis tradukita al nederlanda lingvo kie Tragiek en Triomf van Zamenhof^[2] de L. Belinfante-Ahn.

Vivo de Zamenhof
Vivo de Zamenhof
Aŭtoro	Edmond Privat
Eldonjaro	1920
Urbo	Londono
Eldoninto	Brita Esperanto-Asocio
Paĝoj	208
Vikifontaro	Vivo de Zamenhof
v • d • r

Enhavo

La titoloj de la ĉapitroj estas: La gentoj en Litva lando; Infano en Bjalistok; Gimnaziano en Varsovio; Studentaj jaroj; Doktoro Esperanto, idealista profeto; Homarano; Kongresaj paroladoj; Lingvisto; Verkisto; Etika pensulo; Homo ĉe morto.

Recenzoj

„ Mi estas feliĉa pro tio, ke mi povas malfermi nian bibliografian kronikon per la anonco de ĉi tiu rimarkinda verko, kiu konigas al ni la idealan vivon de nia bedaŭregata Majstro. Ĝi estas valorplena dokumento por la historio de Esperantismo. La verkisto emociige priskribas, kiel la interna ideo homarama naskis nian lingvon kaj kiel tiujn ĉi ambaŭ kunvivis kun la kreinto de nia movado. Jen la titoloj de la 12 ĉapitroj de la libro: La Gentoj en Litva Lando — Infano en Bjalistok — Gimnaziano en Varsovio — Studentaj jaroj — Doktoro Esperanto — Idealista Profeto — Homarano — Kongresaj Paroladoj — Lingvisto — Verkisto — Etika Pensulo — Homo ĉe Morto, en kiuj la aŭtoro sinsekve pritraktas la diversajn fazojn 'de la Zamenhofaj vivo kaj idealo. Pri la lingvo uzata, la stilo, ne decas ke ni parolu: la nomo nur de nia samideano Privat liveras plej plenan garantion pri tio. Mi esprimas la deziron kaj la esperon, ke baldaŭ ĉiuj Esperantistoj posedu aŭ almenaŭ legu la bonegan, bele ilustritan libron. Tiele ili konos la evoluon de la intima penso de geniulo kaj la vivon de simpla, sed vere homa homo. ” — FR . DELGARBO. Belga Esperantisto n071-072 (jan-feb 1921)

„ Por la adeptoj de movado bazita sur persona kreaĵo, biografio de la kreinto estos ĉiam inter la libroj plej multe legataj de ĝiaj adeptoj. Tial la unua eldono de ĉi tiu senmorta verko de Edmond Privat trovis konstantan legantaron inter la Esperantistoj. Tiu eldono, kiu elvenis en la kadro de la Memoriga Biblioteko Bolingbroke Mudie, lastatempe elĉerpiĝis, kaj nun anstataŭas ĝin dua eldono de E.P.C., kun ties konataj bindaĵo kaj formato, 12 bildoj —el kiuj kelkaj estas novaj, kaj nova antaŭ- parolo speciale verkita de Robert Robertson. La aŭtoro, fervora Zamenhofano jam en frua aĝo, priskribas en flua, klara, simpla, emocia stilo la geografian, etnikan, kaj familian kadron, en kiu naskiĝis Zamenhof; la burĝonadon ĉe li de la ideo pri mondlingvo ; la longan, solecan laboron kaj ĝian finan kompletigon ; la fruajn klopodojn de la kreinto kaj la pioniroj—liaj fidelaj apostoloj ; la kongresojn antaŭ la mondmilito; la homaranismajn konceptojn de Zamenhof; kaj lian tro fruan morton meze de tiu milito, kiu rompis lian koron, sed ne sukcesis frakasi lian esperemon. Tiun resumon ni prezentas por la novaj Esperantistoj, sed mi bone scias, ke ĉiuj malnovaj samideanoj bone konas la enhavon de la verko. Kiu el ili ne trezore konservas sian ekzempleron? Por multaj ĝi estis la unua fonto de inspiro; al ĝi ih sin turnas ĉiun 15-an de decembro por refreŝigi siajn konceptojn pri la persono de nia fondinto, aŭ por trovi materialon por artikoloj kaj paroladoj okaze de la datreveno de la naskiĝo de la majstro; kaj ĝin ili mem senlace relegas, kaj insiste rekomendas ĝian legadon al ĉiu nova aliĝinto al nia afero. Granda katastrofo estus por nia movado, se iam tiu klasika verko ne estus plu havebla. Des pli grandan dankon ni ŝuldas al E.P.C. pro la nuna reeldono, kaj ni deziras grandan sukceson al Vivo en ĝia nova vesto. ” — F.W. La Brita Esperantisto - Numero 392, Decembro (1937)

Vidu ankaŭ

• Zamenhof de Ernest Drezen

Tiu verko estas (tute aŭ parte) entenata en la rete alirebla Tekstaro de Esperanto.

Bildaro

• 
  Kovrilpaĝo de Vivo de Zamenhof, 5-a eldono, 1977, Aŭstralio.

Referencoj

1. Stojan, Petro 1929 : Bibliografio de Internacia Lingvo, numero 5383, paĝo 446
2. Eldonejo W.P. van Stockum & Zoon N.V., Hago. 1935

Eksteraj ligiloj

• Vivo de Zamenhof en Vikifontaro (Universala biblioteko)

	Portalo pri Historio
	Portalo pri Esperanto

• Vivo de Zamenhof en Projekto Gutenberg
• Recenzo el oktobro 1922 en Literatura Mondo
• Enciklopedio de Esperanto/V en sia originala formo en la Interreto
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience
• Katalogo "Erfgoedbib" en LibraryThing
• Katalogo de Kataluna Esperanto-Asocio
• Katalogo de Universitato de Amsterdamo