![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/02/Aleksandr_Karelin_2018.jpg/640px-Aleksandr_Karelin_2018.jpg&w=640&q=50)
Aleksandr Karelin
From Wikipedia, the free encyclopedia
Aleksandr Alexandrovitx Karelin (errusieraz: Александр Александрович Карелин, Novosibirsk, 1967ko irailaren 19a), kirolari, politikari eta Errusiar Federakundeko borrokalari olinpiar ohia. Urrezko domina irabazi zuen 1988, 1992 eta 1996ko Olinpiar Jokoetan. Errusiar hartza, Aleksandr Handia eta Esperimentua ezizenarekin, 1987tik 2000ra garaitu gabe mantendu zen nazioarteko lehiaketetan, Rulon Gardnerren aurka galdu zuen arte Sidneyko Olinpiar Jokoetan (2000).
Bere ikaragarrizko indarragatik eta borrokalari olinpiar gisa izandako arrakastagatik goretsia izan da. Borroka grekoerromatarrak izan duen borrokalari onenetarikotzat hartzen da. Borroka libre profesionalean ere parte hartu zuen. 1999. urtean, Akira Maedaren aurka borrokatu zuen, eta 2'5 milioi dolar irabazi zituen.