From Wikipedia, the free encyclopedia
Argonautika (grezieraz: Ἀργοναυτικά, latinezko hizkiekin: Argonautika) grezierazko poema epiko bat da, Apolonio Rodaskoak idatzi zuena. Hartan, Jason eta argonauten bidaiaren mitoa kontatzen da. Urrezko ahari-larrua Kolkida urrutitik berreskuratzeko abentura eta Jasonek Medea printzesa/sorginarekin izan zuen harremana ezagunak ziren jadanik publiko helenistikoarentzat, eta horrek bide eman zion Apoloniori narrazio hutsaz harago joateko, garai hartako ukitu eruditua emanez. Alexandriako Liburutegiaren garaia izanik, poemak barnean hartzen ditu geografian, etnografian, erlijio konparatuan eta Homeroren literaturan eginiko azterketen aurrerapenak.
Argonautika | |
---|---|
Jatorria | |
Egilea(k) | Apolonio Rodaskoa |
Izenburua | Ἀργοναυτικά |
Ezaugarriak | |
Genero artistikoa | epopeia |
Hizkuntza | antzinako greziera |
Argumentu nagusia | Voyage of the Argonauts (en) |
Argonautika honek eragin handia izan zuen latinezko poesian: Varro Atazinok itzuli zuen, eta Valerio Flakok imitatu zuen. Katulok eta Ovidiok haren arrastoak dituzte ageri, eta Virgiliori eredu bat eman zion Erromako epika, Eneida, egin ahal izateko.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.