![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/64/Cassini-Huygens_%2528transparent%2529.png/640px-Cassini-Huygens_%2528transparent%2529.png&w=640&q=50)
Cassini-Huygens
From Wikipedia, the free encyclopedia
Cassini-Huygens Saturno planeta eta bere ilargiak aztertzea helburu duen tripulatu gabeko misio espazialari deritzo. NASA, ESA eta ASI espazio agentzien arteko proiektu bateratua da.
Cassini-Huygens | |
---|---|
![]() | |
Historia | |
Espazio jaurtiketa | 1997ko urriaren 15a |
Kudeatzailea | NASA, Europako Espazio Agentzia eta Italian Space Agency (en) ![]() |
Masa | 5.712 kg |
Zundak bi zati ditu. Lehenak Cassini izena du, amerikarrek egin dute eta behatoki espaziala da. Bere egitekoa Saturnori, haren eraztunei eta haren sateliteei argazkiak egitea da, eta beren eremu magnetikoa, argi espektroa eta atmosfera analizatzea. Huygens moduluaren egitekoa, berriz, Titani argazkiak ateratzea, eta materia bizigabean biziaren eragile diren nitrogenoa, hidrogenoa eta karbonoa agertzen ote diren frogatzeko erreakzio kimikoak egitea da.
Jaurtiketa 1997ko urriak 15ean egin zen eta Saturnoren inguruan orbitatzen 2004ko uztailak 1ean hasi zen. 2004ko abenduak 25ean zunda ontzitik banandu zen gutxi gora-behera 02:00 UTCetan. Zunda Saturnoren ilargirik handiena den Titanera 2005eko urtarrilak 14an iritsi zen, une horretan ilargiaren lurrazalera jaitsi zelarik informazio zientifikoa biltzeko asmoz. Saturno orbitatzen duen lehen ontzia da, baita planeta hau bisitatzen duen laugarren giza gailua ere.
Cassini ontziaren helburu nagusiak jarraian aipatzen diren hauek dira:
- Saturnoren eraztunen portaera dinamikoa eta egitura tridimentsionala zehaztea.
- Ilargien lurrazalaren konposaketa eta objektu bakoitzaren historia geologikoa zehaztea.
- Japeto satelitearen lurrazaleko material ilunaren jatorria eta izaera zehaztea
- Magnetosferaren portaera dinamikoa eta egitura tridimentsionala neurtzea.
- Saturnoren atmosferaren portaera dinamikoa aztertzea.
- Titanen aldakortasun atmosferikoa aztertzea.
- Titanen azalera xehe-mehe kartografiatzea.