Espainiako Erregea
From Wikipedia, the free encyclopedia
Espainiako erregea Espainiako estatuburua da; bere batasun eta iraunkortasunaren sinboloa, instituzioen funtzionamendua zuzena izan dadinez arduratzen da; eta Nazioaren ordezkaritza handiena da. Konstituzioak eta legeak esleitutako eginkizunak betetzen ditu. [1] Indar Armatuen agindu nagusiak ditu, Armadako kapitain nagusia da, eta Errege-Akademien zaindaririk handiena. [2]
Espainiako erregea | |
---|---|
Espainiako Erregea | |
Noiztik | 2014ko ekainaren 19tik Felipe VI |
Egoitza | Zarzuela jauregia |
Webgunea | www.casareal.es |
Izendatzailea | Jaraunsletza |
1978ko Konstituzioak Koroa, erregea eta hari dagozkion funtzioak aztertzen ditu bere II. Tituluan (56.-65. artikuluek osatuta)[2]. Gaur egungo erregea Felipe Borboi eta Greziakoa da, Felipe VI. izenarekin. [3]
- Gaztela, Aragoi, Leon, Nafarroa, Granada , Jerusalem, Toledo, Bi Siciliak, Valentzia, Galizia, Mallorca, Menorca, Sevilla, Kordoba, Murtzia, Jaen, Algarvek, Algeciras, Gibraltar, Kanariar Uharteak, Ekialde eta Mendebaldeko Indiak eta Itsas-Ozeanoko Uharte eta Lur Idorreko erregea.
- Austriako artxidukea eta Burgundia, Brabant, Milan, Atenas eta Neopatriako dukea .
- Habsburgo, Flandria, Tirol, Roussillon eta Bartzelonako kondea.
- Bizkaiko eta Molinako Jauna.
- Etab. [nota 1]
Konstituzioak erregearen erabateko bortxaezintasuna aitortzen du. Hala eta guztiz ere, eta konpentsazio gisa, Konstituzioak Koroaren titularraren egintza guztiak baliogabeak direla ezartzen du, Gobernuaren lehendakari, ministro edo Diputatuen Kongresuko lehendakariaren berrespena ez badu; kasuaren arabera.