Playa Girón
From Wikipedia, the free encyclopedia
Playa Girón Kuban dagoen hondartza txiki bat da, egun gune turistikoa. Cochinos badiaren ekialdean dago, Kubako hegoaldean, munduko hezegune handienetariko batean, Zapataren zingiran. Mundu osoan ezaguna egin zen 1961ean, CIAk entrenaturiko erbesteratu kubatarrek Cochinos badiako inbasioaren lehorreratzearen toki bat gisa erabili zutenean. Gaur egun bertan gertaera horiek gogorarazteko badago museoa. Hondartza Kubako iraultzaren benetako ikurra da.
| Playa Girón | |
|---|---|
 | |
| Datu orokorrak | |
| Garaiera | 4 m |
| Mota | herrixka, hondartza eta giza kokaleku |
| Geografia | |
 | |
| Koordenatuak | 22°04′N 81°02′W |
| Herrialdea |  Kuba |
| Kubako probintzia | Matanzasko probintzia |
| Municipality of Cuba | Ciénaga de Zapata |
Apirilaren 17an, goizeko 1:15 inguruan, 2506 brigada Playa Larga eta Playa Girón hondartzetan lehorreratu zen, Cochinos badiako ekialdean, Habanatik 202 kilometrora. Hasiera batean lehorreratutako 1500 erbesteratuek erresistentzia handirik topatu ez bazuten ere, aurreko eguneko bonbardaketatik suntsitu ez ziren kubatarren 9 hegazkinek Houston eta Río Escondido itsasontziak baliogabetu zituzten, eta horrela, lehorreko indarrendako zen arma hornidura galdu zuten inbaditzaileek. Emeki-emeki, Kubako tropa erregularrak, zenbait miliziekin batera, bertaratu ziren, erasoari buru egiteko. Apirilaren 18an inbaditzaileek atzera egin behar izan zuten, eta biharamunean, errenditu egin ziren. Munizio eskasiak eta kubatarren nagusitasunak airean markatu zuten inbasioaren patua.[1]
Silvio Rodríguez abeslari kubatarrak Playa Girón izenburuko abestia egin zuen. Abestiak bi zentzu ditu. Abeslariak, batetik, 1969tik 1970era izen bereko arrantza itsasontzi lan egin zuen eta lankideei eskaini zien abestia. Bigarren zentzuak hondartza horretan gertatu zen borrokarekin lotuta dago, bestetik. Abestia Días y flores (1975) albumen jaso zuen. Playa Girón abestiak bertsio ugari ezagutu ditu eta abeslariaren errepertorioan ezagunetariko bat da. Dena dela, Silvio Rodríguezek badu Cochinos badiako inbasioarekin zuzenean lotutako beste abestia: Girón, la victoria.
Kartela 1961eko garaipena oroitzeko.
Playa Giróngo itsaslabarra.
'Sozialismoaren garaipena' poster politikoa.
Playa Girón museoa.
Hondartzaren ikuspegia.
.jpg)
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
