Txikipedia:Genozidio
From Wikipedia, the free encyclopedia
Genozidioa pertsona-talde baten hilketa da, aurrez prestatu eta antolatutakoa. Genozidioen biktimak beren arraza, erlijio, etnia (jatorria) edo nazionalitateagatik hiltzen dituzte. Genozidioa garbiketa etnikoarekin alderatu izan da; garbiketa etnikoa gertatzen da halako gizatalde bateko kideak leku batetik alde egin behar izaten dutenean, beste gizatalde bati uzteko eta, beraz, leku hori etnikoki “garbitzeko”.
![Thumb image](http://upload.wikimedia.org/wikipedia/commons/thumb/f/f2/Nyamata_Memorial_Site_13.jpg/640px-Nyamata_Memorial_Site_13.jpg)
Lehen aldiz, 1944 inguruan erabili zen genozidio hitza, Alemaniako naziek pertsona-talde batzuk suntsitzeko egin zutenari buruz hitz egiteko; bereziki, juduen Holokaustoa aipatzeko: naziek ia Europa osoko 6 milioi judu inguru hil zituzten. Holokaustoa da nazien genozidioaren adibiderik ezagunena. Guztira, naziek gutxienez 12 milioi pertsona hil zituzten; juduez gain, eslaviarrak, erromaniak (ijitoak), homosexualak eta desgaituak zeuden naziek desagertarazi nahi izan zituzten pertsona-taldeen artean.