Txikipedia:Konifero
From Wikipedia, the free encyclopedia
Koniferoak orratz itxurako hosto iraunkorrak dituzten landareak dira, pinaburu formako fruituak ematen dituztenak. Konifero-mota asko daude, 500dik gora, batzuk zuhaitzak eta beste batzuk zuhaixkak; gure artean ezagunenak pinua eta izeia dira. Koniferoak beti berde agertzen dira, hostoak ez zaizkielako erortzen udazkenean, beste zuhaitz batzuei gertatzen zaien bezala. Lurrean dauden zuhaitzik garaienak eta zaharrenak, den-denak dira koniferoak, haien artean sekuoiak.
![Thumb image](http://upload.wikimedia.org/wikipedia/commons/thumb/e/e5/Coniferous_forest_in_Sweden_near_the_Svart%C3%A4lven_river_07.jpg/640px-Coniferous_forest_in_Sweden_near_the_Svart%C3%A4lven_river_07.jpg)
Ia mundu osoan aurkitzen dira koniferoak; konifero-basoak daude baita eskualde hotzetan, hala nola Europa, Asia eta Amerikako iparraldean. Beste mota batzuk, berriz, Asiako baso tropikaletan hazten dira, bai eta Afrika eta Australiako eskualde bero batzuetan ere.