Txikipedia:UNESCO
From Wikipedia, the free encyclopedia
UNESCO Nazio Batuen organismo bat da. Hezkuntza, zientzia eta kultura bultzatu edo sustatzea du helburu. UNESCO hitza, berez, ingelesezko laburdura bat da eta euskaraz "Hezkuntza, Zientzia eta Kulturarako Nazio Batuen Antolakundea" esan nahi du.
Antolakunde hau 1945ean sortu zen, Bigarren Mundu Gerra amaitu eta gutxira, Nazio Batuen erakundeak gerrak ekiditen edo eragozten laguntzeko. Herrialde gehienetako ordezkariek uste zuten, mundu osoan bakea lortzeko, ezinbestekoa zela pobreziaren aurka lan egitea. Honez gain, zientziaren, hezkuntzaren eta kulturaren garapenaren bitartez garapen iraunkorra sustatu nahi zuten.