Txikipedia:Xalbador
From Wikipedia, the free encyclopedia
Fernando Aire Etxart, ezizenez Xalbador (Urepele, Nafarroa Beherea, 1920ko ekainaren 19a - 1976ko azaroaren 7a) bertsolari ospetsu bat izan zen. Artzaina ere bazen.
Familiatik zetorkion bertsotarako grina, eta plazaz plaza eta saioz saioz haziz joan ziren Xalbadorren ospea eta sona. Bertso zuzenak, trinkoak eta zorrotzak kantatzeagatik gogoratzen dugu.
Bizitza, familia, baserria, fedea eta natura ziren bere gai nagusiak.
Ezin bertzean (1969) eta Odolaren mintzoa (1976) bertso-bildumak eman zituen argitara.
1977an, ohorezko euskaltzain izendatu zuten.
Bere garaiko bertsolari-txapelketa eta sariketa gehien-gehienetan parte hartu zuen. 1946tik 1960ra bitartean, Hego Euskal Herriko bertso-saioetako asko irabazi zituen. 1980ko, 62ko eta 65eko Bertsolari Txapelketa Nagusietan hirugarren izan zen, eta 1967koan bigarren.
Bere jaioterrian bertan (Urepele) haren aldeko omenaldia ospatzen ari ziren egunean hil zen, bihotzekoak jota, 1976ko azaroaren 7an.