Électricité de France

Électricité de France (EDF) Frantziako argindar ekoizle, hornitzaile eta banatzailea da. Sozietate anonimo gisa eratua da eta haren kapitalaren % 80 estatuarena da. Estatuko zein Europar Batasuneko argindar ekoizle eta hornitzaile nagusia da eta egoitza soziala Parisen dago.

Électricité de France
Datuak
Izen ofiziala	ELECTRICITE DE FRANCE
Izen laburra	EDF
Mota	negozioa
Jarduera sektorea	electric power generation, transmission and distribution (en) eta Q112165525
Herrialdea	Frantzia
Jarduera
Kidetza	MEDEE power electronics cluster (en)
Honen parte	CAC 40
Eskumendekoak	EDF power solutions, Réseau de Transport d'Électricité, British Energy (en) , Transalpina di Energia (en) , EDF Energy (en) , Luminus (en) , Fédération de Recherche PhotoVoltaïque (en) , Laboratoire Sciences de l'Univers au Cerfacs (en) , Groupe de Physique des Matériaux (en) , Laboratoire de Biodiversité et Biotechnologies Microbiennes (en) , Fondation d'entreprise Groupe EDF (en) , ENEDIS, EDF (United States) (en) , EDF solutions solaires, Les Renardières (en) , Q112131947 , EDF PEI (en) , NUWARD (en) , Q118347002 , E.D.F. International S.A. (en) eta EDF TRADING LIMITED (en)
Ekoizpena	elektrizitate eta gas
Agintea
Zuzendari exekutiboa	Bernard Fontana (en)
Zuzendaritza-taldea	Véronique Bédague (en) , Colette Lewiner (en) , Claire Pedini (en) , Nathalie Collin (en) eta Martin Vial
Egoitza nagusi	Paris 48.8748°N 2.2961°E / 48.8748; 2.2961
Legezko forma	société anonyme à conseil d'administration s.a.i.
Jabea	Frantziar Estatua
Zeren jabe	Areva (en) , Edison (en) , Rance Tidal Power Station (en) , Luminus (en) , Réseau de Transport d'Électricité, Électricité de Strasbourg (en) , TechnicAtome (en) , Bazacle (en) , Centrale thermique du Havre (en) , Dalkia, EDF Energy (en) , Dalkia Wastenergy (en) , Q3488608 , ENEDIS, Sloe power plant (en) , Chinon B3 (en) , EDF solutions solaires eta Transalpina di Energia (en)
Ekonomia
Diru-sarrerak	118.700.000.000 € (2024)
Irabazi garbia	11.400.000.000 € (2024)
Historia
Sorrera	1946
Sortzailea	Marcel Paul
Sorlekua	Paris
Aurrekoak	Compagnie d'Électricité de l'Ouest Parisien (en)
webgune ofiziala

2017an, irabazi gehien zituzten munduko argindar konpainien artean 3. postuan zegoen^[1], eta 34.28 miliar euroko kapitala zuen 2018an^[2].

2022an, Emmanuel Macron presidente neoliberalaren^[3] garaietan, EDF sozietatea erabat publiko bihurtzeko asmoa iragarri zen, nazionalizatu egin zen. Urte horretan % 84ko jabetza zuen estatuak^[4][5] baina % 100 eskuratu nahi zuen. Enpresa estatuarentzat oinarri-oinarrizko zerbitzuak eskaintzen zituen, baina finantza arloko kontuek erakusten zuten alde batetik mozkinak deklaratzen bazituzten ere, bestetik zor oso handia^[6] metatu zutela.^[7]

Historia

Sakontzeko, irakurri: «Bigarren Mundu Gerra»

Électricité de France enpresa publiko gisa sortu zen 1946ko apirilaren 8an^[8], alemaniarren okupazioa bukatu eta bi urtera, Frantziako Nazio Biltzarrak argindarraren eta gasaren nazionalizazioaren aldeko 46-628 legea onartu zuelarik aldeko 491 botorekin (PC, SFIO, MRP, Radicaux, UDSR) eta kontrako 59 botorekin (Parti républicain de la liberté, Républicains indépendants eta eskuineko hainbat alderdi)^[9]. Lege proiektua Marcel Paul^[10] industria ekoizpenaren ministroak bultzatu zuen, gerla garaian Erresistentziaren Nazio Kontseiluak (frantsesez, Conseil national de la Résistance) egin proposamenetan oinarriturik^[11]. Lege horren ondorioz 1450 argindar ekoizle, hornitzaile eta banatzaile entrepresen jabetza nazionalizatu zen^[12].

1996tik landa, Europar Batasunak sektore elektrikoaren liberalizazioa bultzatu zuen eta frantses estatuak 2000 eta 2004 artean EDFen estatus juridikoa aldatu zuen, enpresa burtsan kotizatuz^[13][14][15]. Gaur egun, EDF sozietate anonimoa da, nahiz estatuak akzioen % 80 atxiki.

Jarduera

EDFk argindarra ekoizten du, energia berriztagarri zein ez berriztagarriak baliatuz, Frantzian zein mundu osoan. Batez ere energia nuklearra baliatzen du argindarraren sortzeko (2017 bukaerako datuak)^[16]:

• nuklearra: % 77;
• hidraulikoa eta beste energia berriztagarriak: % 10;
• gasa: % 8;
• gasa ez beste termikoak: % 5;

2017 bukaeran EDF taldearen instalatutako indarraren banaketa mundu mailan:

• nuklearra: 73 GW
• hidraulikoa eta beste energia berriztagarriak: 30,9 GW
• termikoa: 25,4 GW
• orotara: 129,3 GW

Argindarra ekoizteaz gain, hornikuntza lanak ere egiten ditu.