Afrika iparraldeko espainiar subiranotasuneko lurrak

Afrika iparraldeko espainiar subiranotasuneko lurrak edo, gaztelaniaz, plazas de soberanía, Espainiak Ipar Afrikan dituen lurraldeak dira. Marokok lurraldeok aldarrikatzen ditu, Maroko Handia kontzeptuaren barnean.

Subiranotasuneko lurrak
Plazas de soberanía
Geografia
Hiriburua	, parametroa ez da «latitude,longitude» baliozkoa
Kontinentea	Afrika
Administrazioa
Administrazioa	Defentsa Ministerioa
Demografia
Bestelako informazioa

Lurrak

Politikoki bi multzotan banatzen dira: plazas mayores (euskaraz: "gune nagusiak") eta plazas menores (euskaraz: "gune txikiak"). Gune nagusiak bi dira: Ceuta eta Melilla. Espainiak hiri biak izendatzeko jadanik ez du plaza de soberanía izena erabiltzen, 1995etik aurrera autonomia hiriak direlako.

Gune txikiak, berriz, hiru uhartetxo dira. Guztiak Espainiako Armadaren kanpamenduak dira, Espainiako Gobernuak berak zuzenki administratuak. Hona hemen hirurak:

Lurraldea	Koordenatuak	Azalera (ha)
Alhucemak	35°12′54″N 3°53′47″W	4,6
Alhucemetako haitza	35°12′48″N 3°53′21″W	1,5
Tierra uhartea	35°12′55.83″N 3°54′8.10″W	1,7
Mar uhartea	35°13′3.65″N 3°54′2.69″W	1,4
Chafarinak	35°11′N 2°26′W	52,5
Kongresuaren uhartea	35°10′43.90″N 2°26′28.31″W	25,6
Elisabete II.aren uhartea	35°10′55.77″N 2°25′46.90″W	15,3
Erregearen uhartea	35°10′51.72″N 2°25′24.96″W	11,6
Vélez de la Gomera haitza	35°10′21.29″N 4°18′2.89″W	1,9

Beste alde batetik, Perrexil uhartea, 2002an Espainiaren eta Marokoren arteko gatazka armatua izan zuen uhartetxoa, berriki espainiar subiranotasuneko lurtzat hartu da, baina historikoki ez da inoiz horrela deitu, eta juridikoki egun "ez-inoren lurra" da.

Azkenik, Alboran uhartea eta gertuko Nubes uhartea, Afrikan badaude ere, Marokok ez ditu inoiz aldarrikatu.

Ikus, gainera

• Maroko Handia

Kanpo estekak

• Datuak: Q191011
• Multimedia: Plazas de soberanía / Q191011