Bildumazaletasun

Bildumazaletasuna mota jakin bateko objektuak bilatu, eskuratu, bildu, antolatu eta erakusteko pertsona batek duen zaletasuna da.

Bildumazaletasuna: pertsona batzuek seiluen bildumak osatzeko zaletasun handia dute.

Adibideak

Denetariko objektuen bildumak egin daitezke, hala nola txanponak, botilak, diskoak edo nekazaritza-lanabesak. Bilduma jakin bat osatzeko arrazoiak anitz izan daitezke: jolas edo denborapasa hutsa izan daiteke, objektuen gaiarekin interes intelektuala, bildumako objektuekiko lotura emozional bat (haurtzaro edo gaztetako oroigarriak direlako, adibidez). Bildumak orokorrak zein oso zehatzak izan daitezke: badira pertsonak denetariko diskoen bilduma egiten dutenak eta beste batzuk marka zehatz bateko garagardo-botilak soilik bilatzen dituztenak.

Jose Luis Intxaustiren erraldoi eta buruhandi figuren bilduma (erakusketa batean 2017an).

Euskal Herrian 21. mendean erraldoi eta buruhandien inguruko bildumazaletasun bat garatu da bereziki, gomazko erraldoi eta buruhandiena.^[1]