Caroline Gravière

Estelle Marie Louise Ruelens^[1], jaiotzez Crèvecœur^[2] (Brusela, 1821eko maiatzaren 27a – Saint-Josse-ten-Noode, 1878ko martxoaren 20a), Caroline Gravière eta Michel Fleury izengoitiz ere ezaguna, belgikar idazlea izan zen^[2].

Caroline Gravière
Bizitza
Jaiotzako izen-deiturak	Estelle Marie Louise Crevecoeur
Jaiotza	Brusela, 1821eko maiatzaren 27a
Herrialdea	Belgika
Heriotza	Saint-Josse-ten-Noode, 1878ko martxoaren 20a (56 urte)
Familia
Ezkontidea(k)	Charles Ruelens (en)
Hezkuntza
Hizkuntzak	frantsesa
Jarduerak
Jarduerak	idazlea
Izengoitia(k)	Caroline Gravière eta Michel Fleury

Bizitza

Seneffe ondoko Arquennes herriko notario ohi baten alaba, Estelle Marie Louise Crèvecœur Bruselan jaio zen. Bere ama, jaiotzez Triponetty abizena zuela, XVII. mendean Bruselara etorritako bankari italiarren ondorengoa zen. 1848an, Charles Ruelensekin ezkondu zen, Belgikako Errege Liburutegiko arduradun bihurtu zena. Sei seme-alaba izan zituen, baina horietako bi gaztetan hil ziren^[2]. 1878ko martxoaren 20an hil zen minbiziaren ondorioz^[3].

Obra

1864an, lehen eleberria idatzi zuen, Une histoire du pays, Michel Fleury izengoitia erabiliz. Hainbat aldizkaritan kolaboratu zuen, besteak beste, Revue trimestrielle eta Revue de Belgiquen, Caroline Gravière izengoitiaz sinatuz. Gainera, ipuin laburrak eta folletoiak argitaratu zituen L'Étoile belge eta La revue moderne aldizkarietan. Bere eleberririk arrakastatsuena La Servante izan zen^[2], 1872an argitaratua^[4]. Bere liburuak nederlanderara, alemanera eta ingelesera itzulita daude^[5].

Lanak

• Sarah (?)
• Une histoire du pays (1864)
• Un lendemain (1867)
• Sur l’océan (1867)
• Le Vieux Bruxelles (1867)
• Une expérience in anima vili (1867)
• La Servante (1872)
• L’Énigme du docteur Burg (1872)
• Gentilhommière d’aujourd’hui (1872)
• Le Bon Vieux Temps (1872)
• Mi-la-sol (1872)
• Sainte-Nitouche (1873)
• Choses reçues (1873)
• Un paradoxe (1875)
• Une Parisienne à Bruxelles (1875)
• Le Sermon de l’abbé Goyet (1876)
• Un héros (1877)