Areatza (Ea)

Areatza edo Eako hondartza^[1] Bizkaiko hondartza bat da, Eako udalerrian kokatua.

43°22′58″N 2°35′02″W

Ezaugarriak

Eako herrian bertan dago hondartza, Eako portu txikiaren ondoan. Hondartza estu eta lasaia da, olatu bortitzetatik babestua, hondartzaren eskuineko alboan erreka dago. Guztira 120 metro zabal da. Itsasbehera denean, 6.688 m2-ko luze-zabala dauka eta 2.800 m2-ko luze-zabala itsasgora denean.

Arriskugarritasun txikia dauka, eta uraren kalitatea ona da. Hondartzara joaten den batez besteko jende kopurua ertaina da.

Jakingarriak

Haurrak dituzten familientzako hondartza oso egokia, hondartzatik oso hurbil portutik abiatzen den bide batetik "Tala" izeneko behatoki batera joan daiteke, baseliza txiki bat dago bertan.