Esku

Eskua bi gorputz-atal atal-aniztunak, oratzaileak eta hatz-aniztunak dira. Gizakien edo beste primateen beso bakoitzaren muturrean daude. Gauzak ukitu, hartu eta eraldatzeko erabiltzen dira. Ukimenak garrantzi handia du eskuetan.

Esku
Irudi gehiago
Xehetasunak
Honen parte	goiko gorputz-adarra
Konponenteak	hatza Esku-ahurra Hatz txikia Hatz nagia Hatz luzea Hatz erakuslea Erpurua Karpoa Metakarpoa back of hand (en)
Artikulazioa	Besaurrea (hurbilekoa)
Hona drenatzen du	Dorsal venous network of hand (en)
Arteria	ulnar artery (en)
Zaina	Dorsal venous network of hand (en)
Identifikadoreak
Latinez	manus
MeSH	A01.378.800.667
TA	A01.1.00.025
FMA	9712
Terminologia anatomikoa

Eskuaren atalak

Hezurrak

Eskuko hezurrak:
1: Urruneko falangeak
2: Erdiko falangeak
3: Hurbileko falangeak
4: Metakarpoa
5: Karpoa

Esku bakoitzak 27 hezur ditu:

Karpoa

Karpoa da eskumuturretik gertuen dagoen zatia. Zortzi hezur ditu, launa hezurretako bi ilaratan antolatuak:

1. Hurbileko ilara, radio hezurretik hasita kubitu hezur aldera: eskafoidea, ilargi-formakoa, piramidala eta pisiformea.
2. Urruneko ilara: trapezioa, trapezoidea, hezur handia eta kako-hezurra.

Metakarpoa

Metakarpoa bost hezurrek osatzen dute, eskuturretik urrutien daudenak dira eta esku-ahurraren barruan eta ahurrean daude.

Falangeak

Falangeak hatzeko hezurrak dira.

Hiru dira hatzeko: hurbilekoa, erdiko eta urrunekoa. Erpuruak bi ditu: hurbilekoa eta urrunekoa.

Giharrak

Besagainetik datozen giharrak bi eratakoak dira: esku-ahurrekoak (estutzaileak) eta eskugainekoak (luzatzaileak). Eskuak berak, hala ere, baditu bere giharrak, kubituaren ingurukoak (4), erpuruaren ingurukoak (4) eta esku-ahurrekoak (11). Guztira 19 gihar dira berezkoak eta 15 besagainetik datozenak eta zainetan bukatzen direnak. Eskuaren odol elikadura radio arterien eta kubitu arterien bidez egiten da nagusiki. Zain txiki ugariren sarea dago, horiez gainera, azalean barrena. Eskuaren ezaugarri nagusia mugimendurako aukera da, giharren, zainen eta hezurren giltzadurari esker.