Gérard de Nerval

Gérard de Nerval —jaiotza-izena: Gérard Labrunie— (Paris, Frantzia, 1808ko maiatzaren 22a - 1855eko urtarrilaren 26) frantsesezko idazlea izan zen. Poesia, hitz laua, antzerkia eta itzulpenak egin zituen.

Gérard de Nerval
Irudi gehiago
Bizitza
Jaiotzako izen-deiturak	Gérard Labrunie
Jaiotza	former 7th arrondissement of Paris (en) eta Paris, 1808ko maiatzaren 22a
Herrialdea	Frantzia
Lehen hizkuntza	frantsesa
Heriotza	former 7th arrondissement of Paris (en) eta Paris, 1855eko urtarrilaren 26a (46 urte)
Hobiratze lekua	Père Lachaise hilerria
Heriotza modua	suizidioa: urkatzea
Familia
Aita	Étienne Labrunie
Ezkontidea(k)	ezkongabea
Hezkuntza
Hizkuntzak	alemana frantsesa
Jarduerak
Jarduerak	poeta, antzerkigilea, eleberrigilea, ipuingilea, idazlea, itzultzailea eta libretista
Lantokia(k)	Paris
Lan nabarmenak	ikusi Voyage to the Orient (en) Pandora Aurélia Les Illuminés
Kidetza	Jeune-France (en)
Mugimendua	French Romanticism (en)
Izengoitia(k)	Gérard de Nerval

Biografia

1828an, Goetheren Faust itzuli zuen frantsesera, Goethek berak goraipatu eta Berliozek Damnation de Faust sortzeko erabili zuena. Alemanian bizi izan zen, hango erromantikoen eragina izan zuen, eta Hoffmannen ipuinetan oinarritutako ipuin-liburu bat argitaratu zuen (1832, La Main de gloire, Aintzazko eskua).

1834an, Jenny Colon antzezleaz maitemindu zen; harreman horrek eragin handia izan zuen bai bere idazlanetan, bere liburu askotan idealizatutako pertsonaia izan baitzen, bai bere bizitzan, areagotu egin baitzuen Nervalek errealitatea eta ametsa nahasteko zuen joera, gerora eromenera, eta azkenean, bere burua hiltzera eraman zuena. 1841ean eroetxe batean sartu behar izan zuen. Geroago, bidaldi luze bat egin zuen Egipto, Siria eta Turkian zehar, eta oroitzapen horiek eta fantasia bitxiak nahastuz Voyage en orient liburua argitaratu zuen 1851n (Bidaldia sortaldean zehar). 1849an eta 1854an eroetxean egon zen berriro, eta 1855ean, Parisko kale batean urkaturik aurkitu zuten. Bere bizitzako azken aldian argitaratu zizkioten liburu gehienak: Les illuminés ou les précurseurs du socialisme (1853, Argituak edo sozialismoaren aitzindariak), Les filles du feu (1854, Suaren alabak), Les Chimères (1854, Kimerak), Aurélia ou le rêve de la vie (1854, Aurelia edo bizitzaren ametsa).

Obra

• (1834) - Odelettes
• (1851) - Voyage en Orient.
• (1852) - Les Nuits d'Octobre.
• (1852) - Lorely, souvenirs d’Allemagne
• (1852) - Les Illuminés
• (1853) - Petits châteaux de Bohème
• (1853) - Sylvie.
• (1854) - Les Filles du Feu, cuentos.
• (1854) - Les Chimères.
• (1854) - Promenades et souvenirs
• (1855) - Aurélia, ou le rêve et la vie
• (1856) - Promenades et Souvenirs.