Hauts

Hautsa izen orokorra da 500 mikrometro baino diametro txikiagoa duten partikula solidoentzako. Atmosferako partikula horiek, besteak beste, toki hauetan sortzen dira: haizeak altxatutako lur-hautsa, sumendietako erupzioak eta kutsadura. Etxeetako eta bestelako giza ingurumeneko hautsetan honako hau topa daiteke: giza larruaren zelulak, landareen polen kopuru txikiak, animalien ileak, ehun zuntzak, paper zuntzak, kanpoko zoruko mineralak eta tokian tokiko ingurumenean duden bestelako materialak.

Artikulu hau partikula txikiei buruzkoa da; beste esanahietarako, ikus «Hauts (argipena)».

Argentinako Panpatik ateratako hauts-hodeia.

Etxeko hautsa behatz batean.

Etxeko hautsa

Etxeko hautsak, behin eta berriz bildu eta behin eta berriz sortzen den horrek, mikromundu bat ezkutatzen du. Zerez dagoen osatuta? Zuntzak ditu, lizuna, ileak, bakterioak, birusak, akaroak, horien gorotzak, larruazaleko ezkatak, intsektuen zatiak... Hauts horrek bi iturburu nagusi dituela: etxe barrukoa da bata, eta etxe kanpokoa da bestea. Coloradoko Unibertsitateak (AEBak) etxeko hautsaren inguruan egindako ikerketa baten emaitza. 1.200 etxeetan jasotako laginak aztertu zituzten. Emaitza: etxe horietako biztanleak milaka onddo eta bakteriorekin batera bizi zirela, eta bakterio komunitate hori ezberdina zela etxean bizi diren gizonezkoen eta emakumezkoen arabera, maskoten arabera, etxeak berak duen antzinatasunaren arabera, eta kokapenaren arabera, besteak beste. ^[1]

Ikus, gainera

• Hauts ekaitz