Scala naturae

Scala naturae («eskala naturala»), izakien katea edo izatearen kate handia, materia eta bizi ororen egitura hierarkikoa da, Erdi Aroko kristautasunak Jainkoak dekretatu zuela uste zuena. Jainkoarekin hasten da katea, eta aingeruen, gizakien, animalien eta landareen bederatzi zirkuluetatik mineraletaraino jaisten da^[1].

Izakien Katearen irudikapena Diego de Valadésen Rhetorica Christiana obran, 1579.

Hortik dator biologiaren historian behin eta berriro agertzen den ideia bat, zeinaren arabera organismo guztiak modu lineal, jarraitu eta progresiboan ordenatu baitaitezke, sinpleenetik hasita konplexuena den organismora iritsi arte, normalean gizakia izaten dena. Gaur egun teoria zientifiko zaharkitutzat jotzen da^[2].