Joseph Bamina
politikari burundiarra From Wikipedia, the free encyclopedia
Remove ads
Joseph Bamina (Busangaba, 1927ko martxoaren 15a – Muramya probintzia, 1965eko abenduaren 15a) burundiar politikaria izan zen. Burundiko lehen ministroa izan zen 1965eko urtarriletik irailera.
Bamina hutu etniako familia bateko kidea izan zen. 1945etik 1950era Belgikako Kongoko Lovanium Unibertsitatean ikasi zuen eta 1950etik 1954ra Belgikako administrazio kolonialean lan egin zuen. Tutsi etniako emakume batekin ezkondu zen eta hiru seme-alaba izan zituzten.
1954tik aurrera, Mwambutsa IV.arentzat hasi zen lanean Bamina, Aurrerapen Nazionalerako Batasuna alderdiarekin bat egin zuen eta Louis Rwagasore printzearen aholkulari izan zen. 1961ean behin-behineko gobernu bat eratu zen Burundin eta Bamina Finantzen estatu-idazkari izendatu zuten. Iraileko hauteskundeen ondoren, Baminak kargu berean jarraitu zuen Rwagasorek osatutako gobernu berrian. Rwagasoreren hilketaren ondoren, Baminak gobernuan zuen kargua utzi eta alderdiko buru izendatu zuten. Hauteskunde honek zatiketa eragin zuen alderdian.
1965eko urtarrilean Pierre Ngendandumwe lehen ministroa hil zuten, eta Bamina oinordeko izendatu zuten. Txina komunistarekin harremanak hautsi eta diplomatiko txinatarrak herrialdetik bota zituen. Gobernuak dimisioa eman zuen martxoan, 1965eko maiatzeko hauteskundeetara aurkezteko, eta Bamina senatari hautatu zuten, eta gero senatuko presidente.
Senatuak hutu etniako lehen ministro bat aukeratu zuen, baina Mwambutsak ez zuen erabakia onartu eta tutsia izendatu zuen kargurako. Orduan hutu etniako armadako ofizialak estatu kolpe bat saiatu zuten urriaren 18an, garaitua izan zena. Lege martziala ezarri zen eta armadak eta poliziak disidenteak atxilotu zituzten. Bamina atxilotuetako bat izan zen eta abenduaren 15ean exekutatu zuten.
Datuak: Q720460
Remove ads
Wikiwand - on
Seamless Wikipedia browsing. On steroids.
Remove ads