Karibeko Komunitatea

Karibeko Komunitatea (CARICOM) (frantsesez: Communauté Caribéenne, ingelesez: Caribbean Community, Nederlanderaz: Caribische Gemeenschap) Karibeko eskualdeko harremanak sendotzeko nazioarteko erakundea da; Georgetownen (Guyana) du egoitza. Chaguaramasko Itunak (Trinidad eta Tobago) sortu zuen 1973an, eta 1965ean sortutako Truke Libreko Karibeko Elkartea ordezkatu zuen.

Karibeko Komunitatea
Datuak
Izen laburra	CARICOM
Mota	gobernu arteko erakundea, nazioarteko erakundea eta trade bloc (en)
Jarduera
Kidetza	Committee for the Coordination of Statistical Activities (en)
Kide kopurua	15
Eskumendekoak	CARICOM Regional Statistics (en) eta CARICOM Regional Organisation for Standards and Quality (en)
Agintea
Egoitza nagusi	Georgetown 6.82°N 58.12°W / 6.82; -58.12
Legezko forma	nazioarteko erakunde
Historia
Sorrera	1973ko ekainaren 4a
Ordezkatzen du	Caribbean Free Trade Association (en)
webgune ofiziala

Partaideak

Karibeko 15 naziok (batez ere Karibe anglofonokoak) eta dependentzia britainiarrek osatzen dute. Hauek dira eskubide osoko kideak: Antigua eta Barbuda, Barbados, Belize, Dominika, Grenada, Guyana, Haiti, Jamaika, Montserrat, Saint Kitts eta Nevis, Santa Luzia, Saint Vicente eta Granadinak, Surinam eta Trinidad eta Tobago.

Birjina uharte britainiarrak eta Turkak eta Caicoak herrialde asoziatuak dira.

Bahamak Komunitatekoak dira, baina ez daude beren baitan sortutako merkatu batasunean.

Herrialde behatzaileak dira berriz Aruba, Kolonbia, Curazao, Mexiko, Puerto Rico, Dominikar Errepublika, Saint Martin eta Venezuela.

Jarduerak

Karibeko erkidegoak hiru jarduera nagusi garatzen ditu: Karibeko Merkatu Bateratuaren bidezko lankidetza ekonomikoa, kanpo-politikaren koordinazioa eta nekazaritza, industria, garraioa eta telekomunikazioak bezalako arloetan lankidetza.

Karibeko Komunitatea (CARICOM) sortu zenetik, ingelesa izan da erakundearen hizkuntza ofiziala. CARICOM eleanitz bihurtu zen praktikan, Surinamekin nederlandera gehitu zenean 1995eko uztailaren 4an, eta Haiti baita Haiti gehiturik 2002ko uztailaren 2an.

2001ean, gobernuburuek Chaguaramasko Itun Berrikusia sinatu zuten, eta, hala, CARICOMen merkatu bateratua CARICOMen merkatu eta ekonomia bakar bihurtzeko bidea urratu zuten. Estatu kideen artean berrikusitako itunaren zati batek Karibeko Justizia Gortearen ezarpena eta aplikazioa barne hartzen ditu.

Kanpo estekak

• Artikulu hau, osorik edo zatiren batean, gaztelerazko Wikipediako «Comunidad del Caribe» artikulutik itzuli da; zehazki, 2021-12-30eko bertsio honetatik. Izan ere, artikulu horretan aritu diren wikilariek GFDL edo CC-BY-SA 3.0 lizentziekin argitaratu dute beren lana.

• Datuak: Q205995
• Multimedia: Caribbean Community / Q205995