Larry Collins

Larry Collins, jaiotza-izenaz John Lawrence Collins (West Hartford, Connecticut, AEB, 1929ko irailaren 14a - Fréjus, Frantzia, 2005eko ekainaren 20a), idazle eta kazetari estatubatuarra izan zen.

Larry Collins
Bizitza
Jaiotza	West Hartford, 1929ko irailaren 14a
Herrialdea	Ameriketako Estatu Batuak
Bizilekua	Ramatuelle
Heriotza	Fréjus, 2005eko ekainaren 20a (75 urte)
Hobiratze lekua	Ramatuelle
Heriotza modua	berezko heriotza: garuneko odoljarioa
Hezkuntza
Heziketa	Loomis Chaffee School (en) Yale Unibertsitatea
Hizkuntzak	ingelesa frantsesa
Jarduerak
Jarduerak	gerra-berriemailea, historialaria, kazetaria, idazlea eta zientzia-fikzioko idazlea
Lan nabarmenak	ikusi O Jerusalem! (en) Paris brûle-t-il ? (eleberria)

Biografia

Dominique Lapierrerekin batera hainbat liburu arrakastatsu plazaratu zituen, betiere kazetari gisa gertutik ezagutu izan zituen gertakari historikoen ingurukoak: Sutan al dago Paris? (1964, Frantziako hiriburuaren Bigarren Mundu Gerrako askapenaz); O, Jerusalem (1971, Israelgo estatuaren sorreraz); Gaur gauean, askatasuna (1975, Indiaren independentziaz), Bosgarren Zaldizkoa (1980, txantaia nuklearrari buruz).

Kazetari gisa UPI agentzian eta Newsweek aldizkarian, besteak beste, lan egin zuen.

Hauek ditu beste obra batzuk: Herio jolasa (1985), Arrano beltzak (1992), Geroa geurea da (1998). 2005ean eman zuen azken lana, hogei urteren ondoren berriro ere Dominique Lapierrerekin bat eginda: Sutan al dago New York? (2005).

Haren zenbait liburu zinemarako erabili izan dituzte.

Obra

Dominique Lapierrerekin batera

• Paris brûle-t-il ? (1966)
• Ou tu porteras mon deuil (1967)
• Ô Jérusalem (1971)
• Cette nuit la liberté (1975) ISBN 2266061399
• Le Cinquième Cavalier (1980)
• New York brûle-t-il? (2004)

Bakarka

• Fortitude (1985)
• Dédale (1989)
• Les Aigles noirs (1993)
• Le Jour de gloire (1994)
• Demain est à nous (1998)

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

• Datuak: Q983434