Lozère
From Wikipedia, the free encyclopedia
Lozère[1] (frantsesez lɔzɛʁ ahoskatua; okzitanieraz: Losera luˈzeɾɔ ahoskatua) Okzitania eskualdeko departamendua da (48), Frantziako erdi-hegoaldean, Massif Centralen hego-ekialdean. Bertan dagoen Lozère menditik hartzen du izena.
| Lozère (48) | |
|---|---|
| Frantziako departamendua | |
 | |
| Administrazioa | |
| Estatua | Frantzia |
| Eskualdea | Okzitania |
| Prefetura | Mende |
| Prefeta | Jean-Paul Pourquier (UMP) |
| Azpiprefeturak | Florac |
| Barrutiak | 2 |
| Kantonamenduak | 25 |
| Udalerriak | 185 |
| Kokapena | |
| Koordenatuak | 44°20′N 3°36′E |
 | |
| Azalera | 5.167 km² |
| Demografia | |
| Biztanleria | 76503 |
| Dentsitatea | 14.806,077027289 bizt/km² |
| Kontseilu Orokorraren webgunea | |
Prefektura Mende hirian dago. Suprefetura hiria Florac da. Mugakide ditu Cantal, Loira Garaia, Ardèche, Gard eta Aveyron departamenduak. Eskualde menditsua dela esan daiteke oro har. Eskualdearen iparraldeak Marguerideko mendiek (1.554 m., Truc de Randon gailurra) hartzen dute; mendi horiek ekialderantz luzatzen dira. Ipar-mendebalean eta mendebalean sumendiek sortutako Aubraceko goi-ordokia dago; hego-ekialdean Cevenas mendialde granitikoa (Lozère mendia, 1.702 m; Bougès mendia, 1.424 m). Ekonomia jarduera nagusiak abeltzaintza (behi eta ardi azienda) eta janari industria (Roquefort gazta) dira. Bigarren Mundu Gerraz geroztik jende askok utzi du Lozereko departamendua.
Historia
Lozère 1790eko martxoaren 4an sortutako 83 departamenduetako bat da, 1789ko abenduaren 22ko legea aplikatuz. Hasieran Sources eta Hautes-Cévennes izenak proposatu ziren, baina ez zuten onartu. Bere mugak antzinako Gévaudango gotzaindegiarenekin bat datoz, Sauguesko kantonamendua izan ezik, gotzaindegi honetakoa zena eta orain Haute-Loire departamenduan dagoena.
Banaketa administratiboa
Ikus zerrenda: «Lozère departamenduko udalerrien zerrenda»
Departamenduak 2 barruti, 13 kantonamendu eta 158 udalerri ditu.[2]
Hona hemen Lozèreko 13 departamenduak:
- Aumont-Aubrac (4801)
- La Canourgue (4802)
- Chirac (4803)
- Le Collet-de-Dèze (4804)
- Florac (4805)
- Grandrieu (4806)
- Langogne (4807)
- Marvejols (4808)
- Mende-1 (4809)
- Mende-2 (4810)
- Saint-Alban-sur-Limagnole (4811)
- Saint-Chély-d'Apcher (4812)
- Saint-Étienne-du-Valdonnez (4813)
Demografia
| 1801 | 1831 | 1841 | 1851 | 1856 | 1861 | 1866 |
|---|---|---|---|---|---|---|
| 126.503 | 140.347 | 140.788 | 144.705 | 140.819 | 137.367 | 137.367 |
| 1872 | 1876 | 1881 | 1886 | 1891 | 1896 | 1901 |
| 135.190 | 138.319 | 143.565 | 141.264 | 135.517 | 132.151 | 128.016 |
| 1906 | 1911 | 1921 | 1926 | 1931 | 1936 | 1946 |
| 128.016 | 122.738 | 108.822 | 104.733 | 101.849 | 98.480 | 90.523 |
| 1954 | 1962 | 1968 | 1975 | 1982 | 1990 | 1999 |
| 82.391 | 81.868 | 77.258 | 74.825 | 74.294 | 72.825 | 73.509 |
Turismo
Turistek espeleologia eta beste kirol batzuk, tartean eski edo kayak, egiten dituzte. Lozèrek Cévennesko parke nazionalaren zati bat du bere barnean. Frantziako lekurik hoberena da amuarrainak hartzeko, batez ere Lot, Tarn edota Truyère ibaiak.
Marvejolsko eliza
Erreferentziak
Kanpo estekak
Wikiwand - on
Seamless Wikipedia browsing. On steroids.