Mousteriar

Mousteriar Erdi Paleolitoaren barnean kokatua dagoen neandertalen kultura arkeologiko bat da, 120.000-35.000 B.P.^[1] bitartean hedatu zen, Würm I eta Würm II glaziazioak nahiz bien glaziazioen arteko aroan. Europa, Asian eta Afrika iparraldean barna hedatu zen.^[2]

Mousteriar
Kultura arkeologikoa
Ezaugarriak
Hasiera	K.a. CCCXIII. milurtekoa
Bukaera	duela 40.000 urte
Aztarnategi eponimoa	Le Moustier
Honen parte da	Paleolito ertain
Aurrekoa/k	Acheulear
Ondoregoa/k	Baradostiar kultura

Kultura honetako izena Frantziako hego-mendebaldeko Dordoina departamenduan dagoen Perigord eskualdeko Le Moustier izeneko harpetik datorkio. Bertan, 1860an, Gabriel de Mortillet-ek historiaurreko kultur litikoa topatu zuen, eta 1907an topatutako Homo neanderthalensis gizakiari lotu ohi zaio. Kultur edo industria litiko hau nagusiki silex eta kuartzitan oinarritzen da, eta bere ohiko lanabesak honako hauek dira: arraska, puntak, arrakalatzaileak, atzealdeko labanak...

Jatorria ziur aski Acheulear kulturan du.

Material teknikoen talde ezagunena eta zabalduena da, nahiz eta badira beste batzuk, hala nola, Micoquiar kultura. François Bordes frantziar ikerlariak, modu bakunean eta soilean sistematizatu zuen Europako Paleolito Erdia Mousteriar multzo teknologikoaren barruan. Geroago, ordea, klasifikazio zehatzago baten beharra ikusi zen eta Mousteriar multzo teknologikoa hainbat faziesetan banatu zen. Fazies edo talde horiek hauek dira: "Acheul aldiko eragina duen Musteriarra", "Charentiarra" -bi azpitaldetan banatuta: "Quina" eta "Ferrasie"-, "Dentikulatuen Musteriarra", "Ohiko Musteriarra" eta "Baskoniarra" (fazies hori bakarrik Kantauriar erlaitzean eta Frantziako Pirinioetako mendebaldean agertzen da.)^[3]

• 
  Neandertal gizakiaren zabalpena.
• 
  Lavallois teknikaz egindako punta. Beuzevillen aurkitua eta Okzitaniako Tolosako museoan ikusgai.