Nikkō Tōshō-gū

Nikkō Tōshō-gū (japonieraz: 日光東照宮^?) Nikkōn dagoen tenplo xintoista da, 1999an UNESCOk Gizateriaren Ondare izendatu zuena Nikkōko tenplu eta santutegiak barnean.

Nikkō Tōshō-gū
日光東照宮
Nikkōko tenplu eta santutegiak
Kanpoaldea   Barnealdea   Sarrera  Irudi gehiago
Kokapena
Estatu burujabe	Japonia
Japoniako prefekturak	Tochigi
Japoniako hiria	Nikkō
Kokapen fisikoa	Mount Nikkō (en)
Koordenatuak	36°45′33″N 139°35′55″E
Historia eta erabilera
Nikkō Shasan
Berrikuntza	2007 - 2024ko martxoa
Erlijioa	Sannō Shintō (en)
Izena	Tokugawa Ieyasu
Arkitektura
Eraikitzailea	Kōra Munehiro (en)
Ondarea
Webgune ofiziala

Historia

Tōshō-gū santutegia Tokugawa shogunerriaren sortzailea izan zen Tokugawa Ieyasuri dedikatua dago. 1617an eraiki zen, Edo Aroan, bere seme Tokugawa Hidetada shogun zela, eta biloba Tokugawa Iemitsuk handitu egin zuen 1636an. Bi urtetan zehar Japoniako 15.000 artisauek egin zuten bertan lan. Tokugawa Ieyasuren gorpuzkinak bertan hobiratu zituzten.

Edo Aroan Tokugawa shogunerrian erromesaldiak egin ziren Edotik (Tokio) Nikkō Tōshō-gūra Nikkō Kaidō errepidean zehar. Udaberrian eta udazkenean jaialdiak izaten ziren eta ibilaldiei "mila gerlarien prozesioak" izena eman zitzaien.

Meiji berrezarkuntzan santutegi xintoista izendatu bazuten ere oraindik elementu budistak kontserbatzen ditu

Santutegia

Gizateriaren Ondare izateaz gain, bost eraikin Japoniako Altxor Nazional dira eta beste hiru Japoniako Ondare Kultural garrantzitsu.

Hona hemen eraikinik ezagunenak:

• Honden eraikina, barneko santutegia.
• Haiden eraikina, kanpoko santutegia.
• Yōmeimon atea
• Karamon atea
• Ikuilua: Tenpluko zaldi sakratuak gordetzen zituena. Hiru tximu jakintsuen irudia dauka.
• Bost solairutako pagoda: 1650an daimyo batek emandakoa erre egin zen eta 1818an berreraiki egin zuten. Solairu bakoitzak elementu bat sinbolizatzen du, behetik gora, lurra, ura, sua, airea eta hutsa.
• Tokugawa Ieyasuren hilobia.

Hauetaz gain beste hainbat eraikin ere badaude, kanpaidorreak, biltegiak, iturri sakratua eta sarrerako torii-a besteak beste.

Iruditegia

• 
  Sarrerako Torii-a.
• 
  Nikkō Tōshō-gū.
• 
  Haiden eraikina.
• 
  Yōmeimon atea.
• 
  Karamon atea.
• 
  Hiru tximu jakintsuak.
• 
  Bost solairutako pagoda.
• 
  Biltegiak.
• 
  Iturri sakratua.
• 
  Liburutegia (ezkerrean) eta kanpaidorrea (atzean).

Ikus, gainera

• Nikkōko tenplu eta santutegiak

Kanpo estekak

• (Japonieraz)(Ingelesez) Webgune ofiziala

• Datuak: Q696641
• Multimedia: Nikkō Tōshō-gū / Q696641