Semnopithecus entellus

Semnopithecus entellus, langur arrunta edo enteloa Cercopithecidae familiako Semnopithecus generoko espezieetako bat da.

Semnopithecus entellus
Irudi gehiago
Iraute egoera
Arrisku txikia  (IUCN 3.1)
Sailkapen zientifikoa
Klasea	Mammalia
Ordena	Primates
Familia	Cercopithecidae
Generoa	Semnopithecus
Espeziea	Semnopithecus entellus Dufresne, 1797
Banaketa mapa
eta
Datu orokorrak
Ernaldia	200 egun
Elikadura iturri nagusia	hostoa

Tximu ile-horia da, hinduen tximu sakratua. Aurpegi, esku eta hanketako ileak beltzak ditu; gainerakoa horixka da. 1.70 m luze izaten da, isatsaren 80 cm-ak barne hartuta. Oihanetan, talde handietan bizi ohi dira, gidari bat buru dutela. Ibiltzen den inguruetako baratzeetan galera handiak eragiten ditu.

Historia

Indiako elezahar batek dioenez, Ravan-ek Rama-Schri-ren emazte Sita bahitu eta Zeilango uhartera eraman zuenean, entelo batek askatu omen zuen, senarrari itzultzeko gero. Tximu horren azkarkeriak aipatzen dituen kontakizun asko da, bizi den eskualdeetan. Bertakoek diotenez enteloari esker dute mango izeneko fruitua, hark harrapatu baitzien erraldoiei, ezkutaturik zuten baratzetik. Harrapatu eta erre egin nahi izan omen zuten erraldoiek enteloa; ez zen erre, baina sua itzaltzean eskuak eta hanka belzturik geratu omen zitzaizkion.