Steve Austin

Steve Austin —jaiotza izenez, Steven James Anderson; borrokalari izenez, Stone Cold Steve Austin— ( AEB, 1964ko abenduaren 18a), aktorea, ekoizlea eta erretiratutako borrokalari profesionala da. Eragin handiena izan duten borrokalari profesionaletako bat dela jotzen da. Parte hartu zuen World Wrestling Federation enpresaren garapenean eta arrakastan, Attitude Era delakoan (borroka profesionalak 1990eko hamarkadaren bukaeran eta 2000ko hamarkadaren hasieran izan zuen goraldia).

Steve Austin
(2010) Irudi gehiago
Bizitza
Jaiotzako izen-deiturak	Steven James Anderson
Jaiotza	Austin, 1964ko abenduaren 18a (61 urte)
Herrialdea	Ameriketako Estatu Batuak
Bizilekua	Marina del Rey
Lehen hizkuntza	ingelesa
Familia
Ezkontidea(k)	ezezaguna ezezaguna Jeanie Clarke  (1992ko abenduaren 18a -  1999ko maiatzaren 10a) Debra Marshall  (2000ko irailaren 13a -  2003ko otsailaren 5a)
Bikotekidea(k)	ikusi Tess Broussard
Seme-alabak	ikusi ezezaguna ezezaguna ezezaguna
Hezkuntza
Heziketa	Edna High School (en) University of North Texas
Hizkuntzak	ingelesa
Jarduerak
Jarduerak	aktorea, zinema aktorea, borrokalari profesionala, podcasterra eta ahots-aktorea
Pisua	114 kilogramo
Altuera	186 zentimetro
Enplegatzailea(k)	World Championship Wrestling WWE
Jasotako sariak	ikusi WWE Hall of Fame  (2009) Wrestling Observer Newsletter Hall of Fame
Kidetza	The Hollywood Blonds (en)
Ezizena(k)	«Stone Cold» Steve Austin, «Stunning» Steve Austin, «Superstar» Steve Austin, «The Ringmaster», «The Texas' Rattlesnake» eta Stone Cold Steve Austin
Ideologia eta sinesmenak
Alderdi politikoa	Ameriketako Estatu Batuetako Alderdi Errepublikanoa
brokenskullranch.com

Borroka profesionaleko ibilbidea

Austin, 1996an.

Austinek 1989an hasi bere ibilbidea borroka profesionalean, Ipar Texasko Unibertsitatean amerikar futbolean jokatu ondoren. 1991n World Championship Wrestling (WCW) enpresarekin kontratua sinatu zuen, eta borrokalaritzat Stunning Steve Austin pertsonaia hartu zuen (borrokalekuko teknikari gaizto bat), eta bi aldiz irabazi zituen WCW Munduko Telebista Txapelketa eta WCW Estatu Batuetako pisu astunen txapelketa; bai eta WCW World Tag Team Championship eta NWA World Tag Team Championship taldekako txapelketak ere, aldi banatan, Brian Pillman lagun zuela (Hollywood Blondes izen artistikoarekin). Extreme Championship Wrestling (ECW) enpresarekin denboraldi labur batez lan egin ondoren, Austinek World Wrestling Federation enpresarekin (WWF, gaur egun WWE) sinatu zuen 1995ean.

Austin, 2003an.

WWFn, Austini pertsonaia berri bat eman zioten: Stone Cold Steve Austin izenekoa, aiurri txarrekoa, ausarta eta establishmentaren aurkako antiheroia. Attitude Era garaiko borrokalaririk ospetsuena bihurtu zen. WWF txapelketa sei aldiz irabazi zuen, WWF Intercontinental txapelketa bitan, Million Dollar txapelketa behin, eta WWF Tag Team Championship lau aldiz; hartara, WWF Hiruko Koroa irabazi duen bosgarren borrokalaria da. Gainera, Royal Rumble hiru aldiz irabazi izanaren errekorra du, 1996ko King of the Ring titulua irabazi zuen, eta WWFko ordainpeko ekitaldi askotan protagonista izan zen, besteak beste lau aldiz WrestleMania ekitaldian (WWFren ekitaldi enblematikoena). 2003an, borrokalekuetako lehiaketatik erretiratu behar izan zuen, belauneko lesio ugari izan ondoren eta 1997ko SummerSlam ekitaldian lepoko lesio larri bat izan ostean. Geroago, 1997an bertan, bere enpresako autoritate figuratzat aritu zen. 2009an, WWE enpresako ospearen aretoan sartu zuten. 2022an, erretiroa hartu eta 19 urtera, borrokalekuetako lehiara itzuli zen, eta Kevin Owens garaitu zuen WrestleMania 38 ekitaldian.

Filmografia

Zinema

Urtea	Izenburua	Rola	Oharrak
1999	Beyond The Mat	Steve Austin bera	Dokumentala
2005	The Longest Yard	Dunham zaindaria
2007	The Condemned	Jack Conrad
2009	Damage	John Brickner	Zuzenean bideora
2010	The Expendables	Dan Paine
2010	The Stranger	Arrotza	Zuzenean bideora
2010	Hunt to Kill	Jim Rhodes	Zuzenean bideora
2010	Whoop Ass	Bera	Film laburra
2011	Recoil	Ryan Varrett	Zuzenean bideora
2011	Knockout	Dan Barnes	Zuzenean bideora
2011	Tactical Force	Tate	Zuzenean bideora
2012	Maximum Conviction	Manning	Zuzenean bideora
2013	The Package	Tommy Wick	Zuzenean bideora
2013	Helduak 2	Tommy Cavanaugh
2014	Chain of Command	Ray Peters	Zuzenean bideora
2015	Smosh: The Movie	Steve Austin bera

Kanpo estekak

• Webgune ofiziala.
• «The Steve Austin Show», PodcastOne.
• «Stone Cold Steve Austin», WWE.com.
• «Steve Austin», IMDb.

• Datuak: Q44313
• Multimedia: Stone Cold Steve Austin / Q44313