Turdidae
From Wikipedia, the free encyclopedia
Remove ads
Turdidoak (Turdidae) Paseriformes ordenako hegazti-familia bat dira. Ia mundu osoan bizi dira. Tamaina txikiko edo ertaineko hegazti insektiboro edo omniboroak dira. Birigarroak, zozoak, txantxangorriak eta urretxindorrak, adibidez, familia horretako hegaztiak dira.
Oso familia ugaria da, 300 espezietik gora baititu. Espezie batzuk erratikoak dira, eta distantzia handiko joan-etorriak egiten dituzte elikatzeko erabiltzen duten gunetik ugaltzeko erabiltzen duten gunera.
Kumeek eta banako gazteek bularralde arrea edo beltza dute. Espezie gehienek moko gogorra dute, intsektuak harrapatzeko moldatua. Hanka sendoak dituzte, luzetxoak, lurrean mugitzeko. Ibil badaitezke ere, saltoka mugitu ohi dira. Espezie batzuek oso kantu erakargarriak eta mota askotakoak dituzte, espezie bereko espezimen batetik bestera aldatzen direnak. Egunez zein gauez kantatzen dute, zuhaitzen erpinetan edo hostoen artean, eta badirudi kantatzea gustukoa dutelako kantatzen dutela askotan, nahiz eta badituzten mezuak bidaltzeko kantuak ere.
Espezie gehienek zuhaitzetan edo zuhaixketan egiten dituzte habiak, baina gutxi batzuek, lurrean. Basoa dute berezko habitata, hala konifero-basoa nola basko hostoerorkorra. Moldatzeko gaitasun handia dute, eta espezie batzuk hirietako lorategietan ere bizi dira.
Remove ads
Generoak
Familia horretan, morfologia eta ohitura oso desberdinetako espezieak daude. Azterketa biokimiko berrien arabera, tradizioz Turdidae familian sailkatu ziren Monticola, Pseudocossyphus, Myiophonus, Brachypteryxeta Alethe generoak Muscicapidae familian sailkatu izan dira.
Nazioarteko Ornitologia Kongresuaren arabera (2.4 bertsioa, 2010), familia horrek 24 genero eta 184 espezie ditu.
- Neocossyphus, 2 espezie.
- Stizorhina, 2 espezie.
- Myophonus, 9 espezie.
- Geomalia, espezie bat: Geomalia heinrichi.
- Zoothera, 39 espezie.
- Ixoreus, espezie bat: Ixoreus naevius.
- Ridgwayia, espezie bat: Ridgwayia pinicola.
- Cataponera, espezie bat: Cataponera turdoides.
- Sialia, 3 espezie.
- Myadestes, 12 espezie.
- Cichlopsis, espezie bat: Cichlopsis leucogenys.
- Catharus, 12 espezie.
- Hylocichla, espezie bat: Hylocichla mustelina.
- Entomodestes, 2 espezie.
- Psophocichla, espezie bat: Psophocichla litsitsirupa.
- Turdus, 79 espezie.
- Nesocichla, espezie bat: Nesocichla eremita.
- Cochoa, 4 espezie.
- Chlamydochaera, espezie bat: Chlamydochaera jefferyi.
- Heteroxenicus, espezie bat: Heteroxenicus stellatus.
- Brachypteryx, 3 espezie.
- Heinrichia, espezie bat: Heinrichia calligyna.
- Alethe, 2 espezie.
- Pseudalethe, 4 espezie.
Remove ads
Kanpo estekak
Wikiwand - on
Seamless Wikipedia browsing. On steroids.
Remove ads