Napo Ekuadorko ibai bat da, Amazonas ibaiaren adarra. Antisana, Sincholagua eta Cotopaxi sumendietako elurretatik datozen ibai askotatik sortzen da. Napo probintzia zeharkatzen du, eta hari izena ematen dio; gero, kilometro gutxira, Ekuadorko oihaneko lautadetara iristen da. Puerto Francisco de Orellana herrian Coca ibaia batzen zaio eta aurrerago, Yasunitik gertu, Ekuador-Peruko mugan, Aguarico ibaia batzen zaio. Ondoren, Peruko lurraldetik jarraituz, Amazonasekin topo egiten du, 1.400 km inguruko bidea eginda.