Tlaxcala Mexikoko 31 estatu federaletako bat da, herrialdearen erdialdean dagoena. Ipar-ekialdean Hidalgorekin du muga, mendebaldean Mexikoko estatuarekin eta ipar, hego eta ekialdean Pueblarekin. Mexikoko estaturik txikiena da, 3.991 kilometro koadroko eremua besterik hartzen ez baitu. 2010ean 1.169.936 biztanle zituen. Hiriburua Tlaxcala de Xicohténcatl da, eta hiri jendetsuena Vicente Guerrero.