Turin Italiako ipar-mendebaldean, Po eta Dora Riparia ibaien lotunean, dagoen hiri handia da. Izen bereko probintziako eta Piemonte eskualdeko hiriburua da. 2012an 905.352 biztanle zituen eta hortaz Italiako laugarren hiria da biztanle kopuruaren arabera. Haren metropoli-eremuan bi milioi biztanle inguru ditu 2.300 km2-ko azaleran eta estatuko hirugarren gunea da, ekonomia eta ekoizpenaren aldetik.