Antrueju
From Wikipedia, the free encyclopedia
Un antrueju es una celebración púbrica que tien lugal justu enantis de la cuaresma cristiana, con fecha variabri (dendi finalis de jeneru hata prencípius de Marçu sigún el añu), i que mestura angunus elementus cumu antruejus, rehilus, i fiestas ena calli. Pol estensión se llaman assina angunas fiestas semilaris en cualisquiel epoca el añu. Inque dessistin una tupa deferéncias ena su horma e celebralsi, la su caraterística común es la e sel un periu e premisiviá i ciertu descontrol.
El antrueju está asociau prencipalmenti con el catolicismu, i en menol miia colos cristianus ortodosus orientalis; es común enas curturas protestantis nu celebral el carnaval, u tiinin traicionis chambás, cumu el antruehu danés. La celebración del antruehu mas grandi el mundu es el Antruehu e Brasil, peru albondus otrus paisis tiinin emportantis celebracionis, cumu la que se celebra en Itália, nel Carnaval de Venécia.
Los enólogus alcuentran nel antruehu elementus supervivientis d'antiguas fiestas i curturas, cumu la fiesta d'ibielnu (Saturnália), las celebracionis dionisíacas griegas i romanas, las fiestas andinas prespánicas i las curturas afruamericanas. Angunus autoris consieran que pala socieá rural, huertimenti estruturá pol cristianismu, el tiempu e "carnestolendas" ofrecia mascarás ritualis de raís pagana i un lapsu e premisiviá que s'oponia a la represión de la sesualiá i a la severa hormaliá litúlhica e la Cuaresma.