Dance Dance Revolution

Dance Dance Revolution, DDR u "La máquina de varsal" es un vidiojuegu simulaol de varsi controlau colos pies del jugaol. Es prouciu pola impresa japonesa Konami. La su primel eición, en holma d'arcade, hue realiçau en Japón en 1998. Dendi la su criación án siu proucias una tupa variacionis, encluyendu angunas pa usu caseru. Es crasificau cumu un huegu Bemani (Bemani es una contración haponesa la parabra Beatmania, el nombri el primel huegu musical de Konami).

Máquina "Dance Dance Revolution" nunus recreativus

Ena velsión arcade, el huegu está holmau pol una cabina con una pantalla, artavozis i luzis de Neón. Frenti a la cabina i sobri el suelu s'alcuentra una pratahorma e varsi con cuatru panelis cuairaus. Ca hugaol tiini 9 panelis nuna matrís de 3x3: cuatru flechas coloreás (arriba, abahu, gocha i derecha) i 5 panelis metálicos neutralis. Angunas pratahormas posein barras assitiás verticalmenti alatrás la pratahorma que ayua a los jugaoris.

Nel criaeru e cancionis pal huegu participan várius artistas, encluyendu los que apaicin ena seri e discus Dancemania i otrus de Konami, cumu Naoki Maeda, prencipal compositol musical pa esta seri e huegus. Angunus artistas án dau letras las sus cancionis cumu es el chascu d'Aerosmith, que donó la canción "I Don't Want to Miss a Thing" pal "Dance Dance Revolution ExtraMix" que tamién está disponibri en velsión pa PlayStation.

Ohetivus del huegu

Los hugaoris lihin una canción duna lista e cancionis disponibris. Duranti un huegu normal, cuatru flechas direcionales remanecin estáticas ena parti superiol de la pantalla. Algotras flechas ahilan dendi la parti inferiol de la pantalla hata las flechas estáticas ena parti superiol. Cuandu las flechas en movimientu s'alcuentran sobri las flechas estáticas, el hugaol ebi pisal sobri la flecha correta ena pratahorma. En angunus chascus dos u mas flechas ebin sel pursás al mesmu tiempu, lo que obliga al hugaol a sartal pa pursal dos flechas a la vezi u agarbalsi pa pursalas colas manus u roillas. Desta manera, el huegu envita al hugaol a varsal sigún la coreografia prestablecia pa ca canción. Pol otru lau, ai angunas flechas enas que ai que mantenel pursau el botón correspondienti duranti el tiempu estableciu hucheás Freeze Arrow. Éstas huerun entroucias en huegus mas recientis (a partil de DDR Max)

La canción se va esarrollandu a meyia qu'el hugaol acierta ena pursación de las flechas. Si el hugaol lleva un nivel d'aciertus ménimu ai una barra qu'endica qu'el su nivel de desempeñu á siu bahu, la canción puei acabihal nun puntu entrimeyu, i el hugaol, perdel el huegu. Peru si ésti logra chegal al final duna canción, el hugaol recibi una puntuación final que puei dil duna "AAA" a una "E" (ondi "AAA" la mehol calificación otenia i "E" la piol), basau ena cantiá e pasus corretus qu'aiga hechu i ena sincronia con el huegu (la sincronia se mii endi "miss" qu'endica que nu s'á prouciu un aciertu nel momentu, "good" qu'endica que abati nu se prouci el aciertu i "perfect" qu'endica qu'el aciertu se prouhu nel momentu precisu).

Nuna canción, desistin fatoris qu'eterminan la su deficurtá varsi, los cualis están aseñalaus en pies i beats per minute (BPM).

Ocionis aicionalis puein heneral cámbeus nel huegu, cumu el açonchal las flechas nun puntu préviu al momentu pursalas u que apaiçan repentinamenti. Tamien se puei cambeal la velociá duna canción, assín cumu la secuéncia flechas.

Lançamientus

Nombri	Hormatu	Rehión	Fecha e lançamientu	Comentárius
Dance Dance Revolution 1st Mix	Arcade	Japón	1998	Primeru ena seri
Dance Dance Revolution 2nd Mix	Arcade, Dreamcast	Japón	1998	Angunas cancionis nuevas. Apaici Naoki Maeda.
Dance Dance Revolution 3rd Mix	Arcade, Playstation	Japón	1999	Introuhu cancionis con mayol deficurtá i el mó e huegu "nonstop" (sin paral). Hue el primeru e la seri en gastal un decoificaol MP3 pa premitil mas cancionis.
Dance Dance Revolution 4th Mix	Arcade	Japón	2000	Crasificaeru e cancionis pol héneru. Se lihia un héneru i solu puian hugalsi cancionis desi héneru duranti el turnu.
Dance Dance Revolution CLUB VERSION Dreamcast Edition	Dreamcast	Japón	2000
Dance Dance Revolution Solo 2000	Arcade	Japón	2001	Velsión pa un solo hugaol. Esta velsión, aparti e tenel los 4 panelis típicus (arriba, abahu, gocha i derecha), tiini dos panelis más (arriba-derecha i arrriba-gocha)
Dance Dance Revolution 5th Mix	Arcade	Japón	2001	Cancionis largas (de hata tres minutus en lugal d'unu i meyu). Introuci el ARROW FREEZE (nu confundil con FREEZE ARROW) qu'es conhelamientu la secuéncia e flechas pol un tiempu determinau, el hugaol ebia estal mas atentu a la secuéncia.
Dance Dance Revolution Max	Arcade	Japón	2001	Introuhu pasus "conhelaus" i cancionis con mayol deficurtá. Amás encluia vídius enas cancionis i un nuevu mó pa desaminal el mó de bailaus el hugaol. Amás añiia mas moificaoris de huegu i l'alternativa e hugal nun escenáriu final (EXTRA STAGE)
Dance Dance Revolution Max 2	Arcade	Japón	2002	Hata 116 cancionis. S'incluin pol primel vezi los pasus de 1/32. S'introuci el NONSTOP ONI MODE, mas dificurtosu qu'el orihinal ebiu a dalti cuatru pilas de vias, si las perdias, perdias el huegu.
Dance Dance Revolution EXTREME	Arcade	Japón	2002	Mas de 200 cancionis. Se creia que sedria el úrtimu huegu la seri en Hapón.
Dance Dance Revolution SuperNOVA	Arcade	Japón	2006	Marcó el regresu e DDR al arcade. Las cancionis agora tiinin vídius con una mehol resolución, peru en abati toas éstus án siu cambeaus pol escenárius en 3D acompañaus dun presonahi que hazi movimientus de bailaus mas rialis qu'en anterioris velsionis.
Dance Dance Revolution SuperNOVA 2	Arcade	Japón	2007	Úrtima velsión del DDR, con mas de 300 cancionis. S'án hechu angunus cámbeus nel sistema e calificación i á introuciu nuevus mós de huegy. Las sus mas notórias noveais hazin usu estensivu el sistema e-AMUSEMENT.
Dance Dance Revolution 1st Mix	Play Station	Japón	1999	Primel velsión casera e DDR, enclui los temas de la velsion AC i un atihu con DDR 2nd MIX, amás tiini nuevas cancionis.
Dance Dance Revolution 2nd ReMIX	Play Station	Japón	1999	Segundera velsión casera e DDR, enclui los temas de la velsión AC i un atihu con DDR 3rd MIX AC, amás tiini nuevas cancionis.
Dance Dance Revolution 3rd MIX	Play Station	Japón	2000	Algotra velsión casera e DDR, al igual qu'el su equivalenti Arcade, es mas dificultosu e hugal. Enclui los menús: SSR (Step Step Revolution, de dificurtá estrema) i DDR 3rd ReMIX (qu'enclui pistas de DDR prévius i nuevas pala seri)
Dance Dance Revolution BEST HITS	Play Station	Japón	2000	Esta hue una velsión recopilatória e los temas mas hugaus en velsionis caseras anterioris.
Dance Dance Revolution 4th MIX	Play Station	Japón	2001	Esta velsión olganiça las cancionis pol hénerus, enque lo pueis cambeal enas ocionis, eel CHALLENGE MODE, el mó SOLO (huegu con 6 panelis) i atihu colas velsionis AC DDR 4th MIX i DDR 5th MIX.
Dance Dance Revolution EXTRA MIX	Play Station	Japón	2001	Cumu el su mesmu nombri, hue un estra ena coleción, enclui temas pol primel vezi lançaus a las velsionis caseras provenientis de DDR SOLO, DDR 4th MIX, entri algotras colecionis de Dance Mania. Enclui nuevus tracks. Apaici el grupu BeForU.
Dance Dance Revolution 5th Mix	Play Station	Japón	2001	Enclui angunas cancionis nuevas, i un atihu con futuras velsionis de DDR.
DDR MAX (6th MIX)	Play Station 2	Japón	2002	Cumu la velsión AC tiini pocas cancionis pa lihil, las únicas noveais son la introución dun nuevu mó pa creal EDIT DATA i 2 nuevas cancionis que apaicirian en DDR MAX 2.
DDR MAX 2(7th MIX)	Play Station 2	Japón	2003	Enclui el destarugu las cancionis del Nonstop Oni Mode (Challenging Mode). Güervi el mó ENDLESS, enclui angunas cancionis nuevas.
DDR EXTREME	Play Station 2	Japón	2003	Cumu la velsión AC enclui angunas cancionis de velsionis prévias, con angunas pistas de beatmania IIDX i angunas noveais. Al igual que la velsion AC se pensaba que sedria la úrtima pa PS2 en Hapón
DDR Party Collection	Play Station 2	Japón	2003	Hue una sorpresa palos fanáticus desta seri, enclui cancionis de velsionis prévias assín cumu angunas noveais.
DDR FESTIVAL	Play Station 2	Japón	2004	Hue la primel velsión de DDR en basal la su entrihazi gráfica nuna velsión pa EE.UU (guipal DDR EXTREME-PS2 US, mas alantri. Hue el primeru en Hapón en encluil el usu d'Eye-Toy, contiini minihuegus, MISSION MODE i angunas cancionis nuevas.
DDR STRIKE	Play Station 2	Japón	2006	La su entrihazi gráfica estaba basá nel su equivalenti pa EE.UU. (DDR EXTREME 2-PS2 US), introuci a Hapón en DANCE MASTER MODE, nel que se destarugan las cancionis pasandu várius retus emburacandu puntus pa mercalas, inclui angunas cancionis nuevas.
DDR SuperNOVA	Play Station 2	Japón	2007	La velsión casera de DDR SuperNOVA pa Hapón. Hue lançá el 25 d'Eneru e 2007. A deferéncia e la velsión d'EE.UU. nu tiini el mó online, peru enclui tracks de la velsión arcade que nu huerun lançaus pala velsión de consola nortiamericana.
DDR SuperNOVA2	Play Station 2	Japón	2007
Oha Sta! Dance Dance Revolution (Super Kids Station)	Arcade	Japón		Contiini cancionis pa chirivehis, amás los panelis pa varsal son mas pequeñus.
Dance Dance Revolution USA	Arcade	EEUU	2000	Solu 26 cancionis.
Dancing Stage Euromix	Arcade, Playstation	Uropa	1999	Recopilación pa Uropa e los DDR del 1st Mix al 3rd Mix.
Dancing Stage Euromix 2	Arcade	Uropa	2002	Recopilación pa Uropa de los DDR del 4th al 7th. Enclui cancionis nuevas.
Dancing Dance Revolution ULTRAMIX	Xbox	Mundial	2003	Entitulau "Dancing Stage Unleashed" en Uropa
Dancing Stage Party Edition	Playstation	Uropa	2003
Dancing Stage Megamix	PlayStation 2	Uropa	2003
Dancing Stage Fever	Playstation, PlayStation 2	Uropa	2003
Dancing Dance Revolution ULTRAMIX 2	Xbox	Mundial	2004	Entitulau "Dancing Stage Unleashed 2" en Uropa
Dancing Stage Fusion	Playstation, PlayStation 2	Uropa	2004
Dancing Dance Revolution ULTRAMIX 3	Xbox	Mundial	2005	Entitulau "Dancing Stage Unleashed 3" en Uropa
Dancing Stage MAX	PlayStation 2	Uropa	2006
Dancing Stage SuperNOVA	Play Station 2	Uropa	2007	La velsión casera e DS SuperNOVA pa Uropa. Hue lançá en Abril de 2007. A deferéncia e la velsión d'EE.UU. nu tiini el mó online, peru enclui tolos tracks de KOMANI de la velsión nortiamericana, amás de nuevas licéncias esclusivas pa Uropa, nunca enantis lançás nun DDR.
Dance Dance Revolution Mario Mix	GameCube	Mundial	2005	Basau en Mario i la posibiliá e lihilu i tamién a Luigi, con 26 temas, angunus disponibris i algotrus que se mercan pol monedas. Los temas son remix de crásicus sonís de Mario i un mó estória, amás del Mush Mode nel cual apaician en vezi e flechas enemigus de Mario que abia que achapaçal, mentris que otrus nu s'ebin achapaçal u si nu pudrias perdel.
Dance Dance Revolution Universe	Xbox 360	Mundial	2007	Primel DDR pa una consola casera e Sétima heneración, al igual de las velsionis ULTRAMIX (Xbox) hazi estensivu usu el servíciu Xbox LIVE. S'entitula Dancing Stage Universe en Uropa
Dance Dance Revolution Hottest Party	Wii	Japón	2007	El mó e huegu se basa tantu enos panelis pa varsal cumu nel control del Wii (sensol de movimientu colas manus). Entrouci una nueva holma e hugal moviendu las manus.

Tamién guipal

• StepMania

Atihus

• DDR Spain Comuniá de hugaoris de DDR d'España
• DDR Zaragoza Comuniá de hugaoris de DDR de Çaragoça.