Paisis Baxus

Paisis Baxus (en neerlandés Nederland [ˈneːdərˌlɑnt] ) es un país uropeu que holma parti el Reinu los Paisis Baxus (en neerlandés Koninkrijk der Nederlanden [ˈkoːnɪŋkrɛiɡ dɛr ˈneːdərlɑndə(n)]), que s'asiaja de los territorius de Curaçau, Sint Maarten (que enantis formaban las Antillas Olandesas) i Aruba, amás de los propius Paisis Baxus. Es biembru la Unión Uropea. El territóriu el país está conholmau pol tierras bajas, en parti ganás al mari. Frecuentienti, el país es conociu pola región mas enfruyenti i relevanti, Olanda, assitiá ena parti ociental el país. Los Paisis Baxus arrayan al norti i oesti con el Mari del Norti, al sul con Bélgica i al esti con Alemaña. Esti pais horma una unión aduanera (el Benelux) con Bélgica i Lussemburgu.