Palra d'El Rebollal

La palra d'El Rebollal es un dialetu dela luenga lionesa que normalmenti quea arreconocía comu parti'l artuestremeñu i que se palra ena comarca d'El Rebollal.

Entovia la conservan alreol de 2.500 presonas (entri la genti qu'abita endrentu la comarca i los emigrantis a otrus paisis u otrus lugaris dela Península Ibérica).^[1]

Son emportantis los labutus el profissol Ángel Iglesias Ovejero ("El habla de El Rebollar. Descripción" i "El habla de El Rebollar. Léxico"), José Alonso Pascual ("Robleda. Crónica y descripción del lugar") i José Benito Mateos Pascual ("Breve descripción de Peñaparda").^[1]

Nel añu 2003 apaició el primel númberu la rivista eletrónica LA GURULLA i nel añu 2004 el primel libru literariu escrevíu nesta variança: "El corral los mis agüelus".^[2]

Caraitirísticas

Acomparantis al estremeñu

• Fechi delas vocalis al caberu delas parabras. Up: gato -> gatu. calle -> calli.^[1]
• Los verbus acabijan en 'l' en ves de 'r. Up: cantar -> cantal.^[1]

Letratura i meyus de comunicación

Meyus de comunicación

Essesti un pograma d'arradiu en Radio Agueda en "Palra d'El Rebollal". El pograma, «¡Vamus de Seranu!», es el primeru nesta variança. Esmeçó el 11 de noviembri de 2024, i es deregíu pol escreviol José Benito Mateos Pascual. S'avía ca lunis alas 8 dela tardi. ^[3]