Pretesta

La pretesta [pɾeˈtɛ^ht^ha] (en latín praetexta [praḙˈtɛksta] "[toga] adorná") era un tipu toga romana.

Muelu toga praetexta

Pelitascu

Cumu otrus hatus togaus era brancu, anque la su caraiterística prencipal era la tirina púlpura al bordi que, una vezi vistiu conos prieguis típicus, caia recorgajandu. En tuviendu el colol púlpura asseñalaba cierta diniá.

Usiu

Era la toga que vistian varonis adurtus qu’acupaban ciertas magistraturas comu aediles curules u praetores, los moçus de nacéncia libris hata los deziseis añus i moças hata casalsi i los saceldotis en ciertas cerimónias púbricas.

Esta toga hue caraiterística el teatru nacional romanu, qu’alcebió el nombri de pratexta u praetextata pol gastalsi enas sus representacionis frenti a las pallia las representacionis griegas.

Atijus

• Hatus romanus