Ossetiskt mál
From Wikipedia, the free encyclopedia
Ossetiskt, á ossetiskum: Ирон ӕвзаг - Iron avžag, hoyrir til iransku greinina av indoevropeisku málunum og verður tosað í russisku (Norðurossetia, høvuðsstaður: Vladikavaz) og georgisku (Suðurossetia, høvuðsstaður Tskhinvali) pørtunum av Ossetia í Kavkasus. Umleið ein hálv millión fólk tosa ossetiskt, harav eru 60% í Norðurossetiu og 15% í Suðurossetiu.
Skjót fakta Ossetisk Ирон ӕвзаг Iron avžag, Málkotur ...
Ossetisk Ирон ӕвзаг Iron avžag | ||
---|---|---|
Tosað í: | Russland, Georgia, Turkaland. | |
Tosandi íalt: | uml. 500.000 | |
Málætt: | Indo-evropeiskt Iranskt | |
Málkotur | ||
ISO 639-1: | OS | |
ISO 639-2: | OSS | |
ISO 639-3: | —
. |
Lat aftur
Ossetiskt kann førast aftur til málið hjá alanunum, ein fólkabólkur av sarmatum. Í dag eru ossetisk og jagnobi hini einastu landnyrðingsiransku málini, ið enn eru til. Harafturat eru tey, saman við Tatipersiskum og Talyshi, hini einastu iransku málini, ið hava stóra útbreiðslu í Kavkasus.