Dansk Melodi Grand Prix 2009

Dansk Melodi Grand Prix 2009 var tann 38. útgávan av Dansk Melodi Grand Prix. Endamálið við kappingini var at finna tann sangin, ið skuldi umboða Danmark á Eurovision Song Contest 2009 (ESC) í Moskva. Vinnarin av Grand Prix'num gjørdist Brinck við sanginum "Believe Again" ið var skrivaður av Lars Halvor Jensen, Martin Michael Larsson og Ronan Keating. Kappingin varð hildin 31. januar 2009 í Messecenter Herning. Vertir vóru Birthe Kjær og Felix Smith.

Eurovision Song Contest 2009
Land	Danmark
Tjóðarútveljing
Útveljingartilgongdin	Dansk Melodi Grand Prix 2009
Útvaldur(ir) dagur(ar)	31. januar 2009
Útvaldur(ir) luttakari(ar)	Brinck
Útvaldur sangur	"Believe Again"
Finaluframførslur
Hálv-finaluúrslit	Kvalifiserað (8. pláss, 69 stig)
Finaluúrslit	13. pláss, 74 stig
Danmark í Eurovision Song Contest
2009

Brinck vann við sanginum Believe Again

Luttakarar

Nr.	Artistur	Sangur	Komponistar og teksthøvundar	Viðmerkingar
1.	Trine Jepsen	"I'll Never Fall in Love Again"	Claes Andreasson, Torbjörn Wassenius, Johan Sahlén, Niels Kvistborg
2.	Jeppe Laursen	"Lucky Boy"	Jeppe Laursen
3.	Marie Carmen Koppel	"Crying Out Your Name"	Marie Carmen Koppe, Dan Hemmer
4.	Sukkerchok	"Det' det"	Mogens Binderup, Lasse Lindorff, Lise Cabble	Top 4
5.	Jimmy Jørgensen	"Alice in the Wonderland"	Claes Andreasson, Torbjörn Wassenius, Mikael Erlandsson, Birgitte Rye
6.	Hera Björk	"Someday"	Christina Schilling, Jonas Gladnikoff, Henrik Szabo, Daniel Nilsson	Top 4
7.	Claus Christensen	"Big Bang Baby"	Lars Malm, Troels Holdt, Lise Cabble
8.	Johnny Deluxe	"Sindssyg"	Noam Halby, Jakob Glæsner, Peter Kvint	Top 4
9.	Christina Undhjem	"Underneath My Skin"	Mads Haugaard, Bryan Rice
10.	Brinck	"Believe Again"	Lars Halvor Jensen, Martin Michael Larsson, Ronan Keating	Top 4

Atkvøðugreiðsla

Hetta árið var sjálv mannagongdin viðvíkjandi atkvøðugreiðsluni heilt annarleiðis enn árini frammanundan.

Í fyrstu atkvøðurundu valdu hyggjararnir og ein fakjury í felag teir fýra sangirnir, ið fóru víðari í kappingini. Atkvøðurnar frá dómarunum og hyggjarnunum taldu her 50% hvør. Teir fýra valdu sangirnir fóru so víðari til hálvfinaluna, har teir kappaðust tveir og tveir hvør móti øðrum. Her vóru tað bert atkvøður frá hyggjarunum, ið avgjørdu hvørjir tveir sangir sluppu víðari til endaligu finaluna, har ið tað aftur vóru atkvøður frá hyggjarunum, ið avgjørdu hvør sangur vann Dansk Melodi Grand Prix 2009 og harvið skuldi umboða Danmark á ESC 2009.

Í fakjuryini sótu: Søs Fenger, Bent Fabricius-Bjerre, Anna David, Martin Brygmann, Kjeld Tolstrup, Michael Hardinger umframt ein eyka limur, Kalle Meyer Vestergaard, ið hevði vunnið sítt pláss í P4-sendingini Danmarksmester orsakað av hansara vitan um danskan popptónleik.

	Hálvfinala				Finala
	Sukkerchok – "Det' det"
	Hera Björk – "Someday"
					Hera Björk – "Someday"
					Brinck – "Believe Again"
	Brinck – "Believe Again"
	Johnny Deluxe – "Sindssyg"

Sí eisini

• Dansk Melodi Grand Prix 2010