Ârp
pâquiér de montagne empleyê pendent lo chôd-temps / From Wikipedia, the free encyclopedia
Ârpa, Montagne, Alpâjo
Cél articllo est ècrit en arpetan supradialèctâl / ORB lârge. |
’N ârp[N 1],[1],[2],[3] ou ben n’ârpa[1],[3] dèsigne a côp :
- un pâquiér de montagne yô que los tropéls de bôfs, de feyes ou ben de chiévres sont amenâs surtot en chôd-temps por profitar d’un’hèrba frèche et abondenta.
- lo temps de l’an yô que los tropéls sont en champ dedens cél pâquiér (lo més sovent temps d’inârpa).
- lo plan arpenc dedens les Ârpes.
« Ârp, ârpa » est un tèrmo arpetan que rencontront dês lo XIIémo siècllo dens lo quenton de Fribôrg, en Valês, pués u payis de Vôd et que vint probâblament — per lo latin alpes de méma significacion — d’una racena prè-endo-eropèèna *alp- (« montagne, hôtior, molâr »).
Son diminutif est l’arpèta. Enqu’houé, cél tèrmo est empleyê surtot en toponimia arpetana, diont pletout « na montagne[1],[2],[4],[3] » ou ben « ’n alpâjo[5],[2],[6],[4],[3] » d’aprés los patouesants.