Gllaciér
massa de gllace formâye per lo tassement de cuches de nê acumulâyes / From Wikipedia, the free encyclopedia
Rouése, Biouègno
Cél articllo est ècrit en arpetan supradialèctâl / ORB lârge. |
Un gllaciér est na massa de gllace a pou prés ètendua que sè fôrme per lo tassement de cuches de nê acumulâyes. Ècllafâye desot son prôpro pêds, la nê fât sortir a châ pou l’êr que contint, s’agllète en na massa sarrâye et pués sè vire en gllace.
En Vâl d’Aoûta, diont pletout « na rouése » [ˈrwi.zə] en patouès vâdoten. Pués, emplèyont lo tèrmo « un biouègno[1] » [ˈbjɛ.ɲo, ˈbju.ɲo][1] en doux-três patouès valêsans.
Lo domêno de plasticitât de la gllace étent particuliérement ètendu, un gllaciér dèvale tot plan desot l’èfèt de la gravitât lo long d’una penta ou ben per flluâjo.
« Gllaciér » est un tèrmo arpetan que rencontront dês lo XIVémo siècllo en Valês et que vint du latin populèro *glaciariu(m), du latin tardif glacia, du latin cllassico glacies (« gllace », « gllaçon »). Dês lo méten du XVIIIémo siècllo, en France, l’âmont mielx u tèrmo « gllaciére » qu’ére adonc empleyê.
Los gllaciérs reprèsentont 60 a 70 % de les égoues doces de la planèta, et pués constituont étot na partia importanta de la criosféra tèrrèstra.