Manertaalsriad

Di Manertaalsriad saat ham för a intresen faan a sjauer ual manertaalen an fulken uun Schiisklun iin. Det san a Däänsken uun Süüdschleswig, a Sorben uun a Lausitz, a Nuurd- an Uastfresken, an a Roma. Jo haa arke juar tumanst tau fersaamlangen.

Tekst üüb Öömrang

Di Riad as 2005 grünjlaanj wurden. För det werk sat uun Berlin det Manertaalsekretariat. Hat werket mä a Bundesdai an't Bundesregiarang tuup.

Mäfulgern

Uun a manertaalsriad sat fertreedern faan:

• Sydslesvigsk Forening
• Sydslesvigsk Vælgerforening
• Domowina
• Fresk Riad
• Seelter Buund

Det san leewen a föörsatern an tau fertreedern muar.

Apgoowen

• Det gongt fööraal diaram, dat a manertaalen mäenööder ferbinjang hual.
• So üs uun Schleswig-Holstian an Brandenburg skal uk uun't Grünjgesets faan Sjiisklun en artiikel mä iin, di a manertaalen ufseekert.
• Di Riad paaset üüb, dat a reegeln faan't Europeesk Manertaals-Charta uun Sjiisklun iinhäälen wurd.
• Hi komert ham am en finansiel ufseekrang faan sin werk.
• Di Riad sat uun a biriad faan't Bundessteed jin Diskriminiarang.
• Hi werket mä't Föderalistisk Union faan Europeesk Manertaalen (FUEV/FUEN) tuup.
• Uun Flensborag skal en Hüs faan an för a Manertaalen apbaud wurd.

Luke uk diar

• Amtelk wääbsteed
• Manertaalen