Powerstatsjoon

En Powerstatsjoon es en Giraat, hur en Akkumulātor, en Omrochter en en Railgiraat fuar't Āpleeren me iinbecht sen.

Söl'ring

USB

Uk Önslüten fuar USB A en C sen diar fuar't Miist ön.

Di USB C-Önslüt heer aaftinoch en Stjüüring fuar Power Delivery. Des ken bit tö 120 Watt dö, en dit Giraat fortelt di Stjüüring, hur fuul dit nöörig heer. Di litjer en iinfacher Giraaten haa Power Delivery bit 60 of 100 Watt.
Tö des Systeem jert uk, dat em aur USB C eeđerleer ken. Sa ken em en Powerbank me "20.000 mAh" önslüt, wat 74 Wattstünen sen. Wan diar ombi 80 % ütkum, da fair di Powerstatsjoon diarfan ombi 60 Wattstünen (74 Wh x 0,8 = 59,2 Wh)

Em ken uk meet hur fuul Energii diar ütkumt.

Akku

Eeđer di Pris sen forskelig Bateriien iinbecht, wat em muar of mener aaft weđer āpleer ken (Syklental) .
Iinfachi Powerstatsjoonen haa Lithium-Ioonen-Selen me ombi 1.000 Syklen, wan et en bet jüürer wiis mus, da sen Lithium-Iirsen-Polymeer (LiFePo4) -Selen iinbecht, wat bit tö 3.000 Syklen skafi skel.

Kwaliteet

Jüst bi Powerstatsjoonen weeget höm en Amerikanisiaring fan di Reklāmi.

Di Giraaten uur ön gurt Talen becht, di Lir fo wat fuarspreeken en wan wat ek slaaget, da fair em en nii Jen söner dat dit Ual eeđerluket uur. Di Tilefoon- of E-Mail- Service es gönstiger üs wan em di Giraaten repariari wöör.

Sa her di Skriiwer fan des Artiikel en Anker 521 hur dit Display altert bleek waar. Dit Giraat waar büt. Bi dit taust Giraat es di Önslüt fuar't Āpleeren eeđer 4 Weeken ütjakelt.
Di Reklāmi sair, dat dit 10 Jaaren hual skel aurdat diar LiFePo-Bateriien benen sen.

Uk di Elektroonik heer en Hau wech: Hat ken fuarkum, dat em tau Lasten diarön heer, en dit Giraat keent bluat jen. Di Leerstroom uur diartöögen reeknet, en da sair dit Giraat, dat di Bateriien āpleeren sen, wat jaa gaar ek fol sen.

Dit kür sa ütse:
Önslööten sen en Leergiraat aur 230 Volt wat 51 Watt āpnemt.
En Powerbank fair 12 Watt
Töhop sen dit 63 Watt, dit Display weeget man 12 Watt

Nü kum 48 Watt aur Solār iin, en wü liif nü, dat höm dit ek foranert. Eeđer 4 Stünen meent dit Giraat dat et fol es.

En nü kumt et:
Wan em nü bi 100 % of 256 Wattstünen iin ön di Akku en Elektrosekel önslüt wat 200 Watt nemt, da skrekelt di Baterii eeđer 20 Minüten of, aurdat jü lerig es.
Em ken jaa al se, dat di tömendst 40 Minüten laap skul.

Wan em en nii Giraat fair, da ken dit ek aur DHL kum. Sa kür dit büt Giraat uk ek naa Söl stjüürt uur. Di büt Anker 521 kām direkt fan Chiina me DPD en maast en Adres üp Fastlön haa hur dit henstjüürt uur kür.

Jaa, en slaaget dit nii Giraat? Eeđer Skuulsensuuren es dit en mal knap 3. Di Buksi fuar dit Āpleerkābel es eeđer 4 Weeken sa ütjakelt, dat dit Giraat ön sin Steeker lii skel, dat diar Stroom iinkumt. Töhop me dit Stohai trinjom di Elektroonik es dit niin riin Früüger.

Di Giraaten fan Bluetti skel jit ringer wiis en somtirs eeđer Plastikrook hāremi.

Beeter uur aur Ecoflow-Giraaten snaket, wat uk üđer Leerönslüten haa. Des skel fuul soliider töhopluaret en becht wiis.

Wat em diarme maaki ken

Eeđer Akkukapatsiteet en di iinbecht Giraaten es dit forskelig, wat em diarme maaki ken. Sa let di Anker 521 (256 Wh Akku) ek muar üs 65 Watt Leerstroom iin, uk wan diar 240 Wp Photovoltāik önslööten sen. Dit iinbecht Āpleer-Railgiraat let ek muar üs 4,3 Ampere iin. Di Omrochter fuar 230 V-Skrekelstroom es fuar 200 Watt, bi 220 Watt giar di üt.
En üđer Giraat fan Bluetti let bi ombi di salev Akku (278 Wh Akku) bit tö 200 Watt Leerstroom iin en let uk 600 Watt üt di Steekdoos gung.

Me di nögen Anker 521 ken em man al en Elektrisk Wāremer fuar sin Iit en jit fuul muar önslüt.

Powerstatsjoonen jeft et bit tö 2 kWh Akku, en da sen ja mal swaar. Bi des Giraaten ken em da jen of muar ekstra Bateriien önslüt.

Di Giraaten me ombi 250 Wh kum üp 2,8 bit 4 Kilo.

Galeriien

Ainaarten, Swaarhairen en Stohai

• 
  Jir kum 12 Watt iin. Dit Giraat heer ütreeknet, hur lung dit jit waaret dat di Akku fol es.
• 
  Wan di PS liit, da kumt Stroom iin ön di Baterii
• 
  Ütjakelt Buksi ön't Giraat
• 
  Sölring Senskiin fan ETFE-Moduuli me ain becht Aluraamen.
• Des USB-Meetgiraat weeget di Leerspeening me 5,02 V, di Leerkraft me 7,4 Watt en di Energii wat al fan di Powerbank nomen waar (11,00 Wh) sa üs jit muar.
  Des USB-Meetgiraat weeget di Leerspeening me 5,02 V, di Leerkraft me 7,4 Watt en di Energii wat al fan di Powerbank nomen waar (11,00 Wh) sa üs jit muar.

Jen Akku fuar masi Giraaten

256 Wh / 200 W

• 
  En Leergiraat fuar Autobateriien es ön en Powerstatsjoon önslööten. Des Giraat giar ek aur 160 Watt, dit ken di 200 W-Omrochter skafi.
• 
  Des ual Scintilla-Böörmaskiin nemt bluat 230 Watt en lapt söner Last me 190 Watt. Fuar di Böörmaaskiinenhualer leengt di Stroom fan di Powerstatsjoon.
• 
  Me des Wāremer, wat ombi 100 Watt nemt ken di Powerstatsjoon uk Iit wāremi.
• 
  Des Leergiraat fan en Akku-Haumaskiin giar ek aur 110 Watt. Di Akku nemt ombi 160 Wattstünen, dit heer en litj Powerstatsjoon uk söner Solār ön Buurt.
• 
  Des Leergiraat fuar en Elektroweel ken em üp 1 Ampere Leerkraft dialstel. En lerig Akku āpleer uur me di litj Powerstatsjoon swaar, man em ken dach 10 of 15 km eeđerleer, wan em bi di Aarber of üp Dik es.
• 
  Dit Leergiraat fan't Elektroweel nemt 51 Watt, fan di Senskiin kum 58 Watt iin. Rochts staant, dat dit sa jit 14,5 Stünen fiiđergung kür bit dat di PS fol es. Sa lung skintj di Sen man ek.