Tsimbrisk spriak

Tsimbrisk (aanj nööm: Zimbrisch gaprècht, Zimbrische zunga, Zimbrisch, itajeensk Cimbro) as det boowersjiisk spriak faan a Tsimbern uun Booweritaalien. Uun det weesen republiik faan a Sööwen Gemeenen wiar't uk sarken- an amtspriak. Hat täält tu a bairisk spriakwiisen. Daalang as Zimbrisk bluas noch uun't saarep Lusern uun't Trentino ualdaispriak.^[1]

Tekst üüb Öömrang

Tsimbrisk
Snaaket uun	Itaalien
Spreegern	< 1.000
Wedenskapelk iindialang	Indogermaans Germaans Waastgermaans Huuchsjiisk Boowersjiisk Bairisk Tsimbrisk
Amtelk Stant
Amtspriak faan	-
Spriak-Ufkörtang
ISO 639-1:	-
ISO 639-2:	gem (ööder germanns spriaken)
ISO 639-3:	cim

Di nööm hää temelk seeker niks mä a Kimbern faan Jütlun tu dun. Iarer hinget hi wel tuup mä temrin of temerlidj (sjiisk: Zimmermann, ingelsk: timber).

Ferdialang

Tsimbrisk spriakeilunen

Bit tu't juar 1800 haa 20.000 minsken Tsimbrisk snaaket uun a Trataanj Gemeenen uun't nuurden faan Verona, uun a Sööwen Gemeenen trinjam Schlege (Sleeghe, it. Asiago), an uun dialen faan't Trentino.

Daalang san diar noch trii spriakeilunen mä en aanj spriakwiis: a Sööwen Gemeenen, a Trataanj Gemeenen an det Tsimbrisk faan Lusern, Lafraun an Vielgereut uun't Trentino.