![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/4/40/Polka_%2528NYPL_b12147626-5094855%2529.jpg/640px-Polka_%2528NYPL_b12147626-5094855%2529.jpg&w=640&q=50)
Polche
From Wikipedia, the free encyclopedia
La polche al è un bal popolâr che al ven de Boemie.
![Thumb image](http://upload.wikimedia.org/wikipedia/commons/thumb/4/40/Polka_%28NYPL_b12147626-5094855%29.jpg/640px-Polka_%28NYPL_b12147626-5094855%29.jpg)
Il ritmi al è di 2/4 di andament legri. E je stade inventade atôr dal 1830 e si je difondude in pôc timp in dute Europe e in Americhe, par vie de rapiditât dai moviments che i plaseve a la int.
Impuartants compositôrs di polchis a forin Bedřich Smetana (1824-1884) e Antonín Dvořák (1841-1904), che introduserin cheste musiche popolâr ancje in ambients plui elevâts. Smetana al includè cualchi polche inte sô opare La nuvice vendude (1866). Famosis a son ancje chês scritis di Strauss pari e fi.
I struments tradizionâi, di solit, a son une o dôs fisarmoniches, une o dôs tubes, dôs trombes, une o dôs ghitares, percusions (plas, casse, rulant, triangul, sedons), un cuintribas e spes, ancje la vôs dai components dal grup.