Caprive

Caprive (loc. Capriva, par sloven Koprivno) al è un comun di 1.613 abitants e al fâs part de ex provincie di Gurize. Si cjate te bande sud dal Cuei.

la glesie dal santissin Non di Marie

Caprive
Non uficiâl par talian	Capriva del Friuli
Provincie	Gurize
Part	Friûl orientâl
Altitudin	49 m s.n.m
Superficie	6 km²
Popolazion	1.613 ab.
Densitât	269 ab/km²
Frazions	Russiz, Spessa, Budignac
Comuns confinants	Cormons, Morâr, Mosse, San Florean dal Cuei, San Lurinç Lisuntin
CAP	34070
Prefìs telefonic	0481

Gjeografie

Cjaprive si cjate te bande sud dal Cuei, in Provincie di Gurize, dulà che a fasin masse varietâts di vin. La altitudin medie dal comun e jè di 50 m.s.n.m. ma, tal pont plui in alt, a rive a 120 m.s.n.m. Il teritori al è ondulât e planezant tal istès timp e al cree un microclimi te zone.

Storie

Lis origjinis di Caprive a son cjeltiches: Un primi insediament al è nassut chì tal 200 P.d.c., e il paisut al è divignût part des dipendencis di Olee daspò che al divente citât romane. Caprive si clamave, par latin "Caput Ripae". Caprive, daspò de colade dal impri romàn, e jè divignude un centri dai Langobarts, e propite disot dal lôr ream la prime glesie dal paîs fô fate, tal 771 cirche. Divignude Vignesiane tal 1420, dal 1500 indenant fin ae Prime vuere mondiâl Caprive, cognossude dome come Koprif in Todesc, e jere Austrie-Ongjariche. O lu vjodìn tal tissût dal borç, cu la cente (Part plui antighe) tal mieç e lis cjasis che si cjatin dilunc di 7 viis principâlis.

Monuments

• Glesie dal Santissin Non di Marie, parocjâl
• Glesie de Santissime Trinitât, la plui vecje dal borç
• Municipi
• Cjiscjel di Spesse

La gleseute de Santissime Trinitât

Borcs

• Budignac
• Caprive (loc. Capriva)
• Russiz Disot
• Russiz Disore (loc. Russiz Disora)
• Spesse (loc. Spessa)