Numar atomic

Il numar atomic (indicât par solit cun Z, dal todesc Zahl, che al vûl dî numar, e cognossût ancje come numar protonic) al corispuint cul numar di protons che a son tal nuclei atomic. Intun atom neutri il numar atomic al è compagn dal numar di eletrons; se il numar di eletrons al è diviers, o vin un atom cjariât eletricamentri, clamât jon. Di solit inte scriture chest numar al ven scrit come pediç a çampe dal simbul dal element chimic: par esempli ₆C, parcè che il carboni al à sîs protons.

Z - Numar atomic

A ogni numar atomic al corispuint un diviers element chimic.

Atoms che a àn il stes numar atomic ma un diviers numar di neutrons a vegnin clamâts isotops.

Vôs leadis

• Tabele periodiche
• Elements par numar atomic
• Pês atomic
• Numar di masse
• Numar neutronic